చుట్టమల్లే సాంగ్ మార్ఫింగ్‌ వీడియో వివాదంలో మరో నకిలీ ప్రచారం వెలుగులోకి వచ్చింది. పాటను అసభ్యంగా ఎడిట్‌ చేసిన వ్యక్తిని పోలీసులు అరెస్ట్‌ చేశారంటూ సోషల్‌ మీడియాలో ఓ పోస్ట్‌ వైరల్‌ కాగా.. అందులో సీపీ సజ్జనార్‌ ఫొటోతో ఏఐ రూపొందించిన ఫేక్ ఫోటోను ఉపయోగించారు. ఈ విషయంపై స్పందించిన సజ్జనార్‌ అది నిజమైన ఫొటో కాదని, డీప్‌ఫేక్‌ అని స్పష్టం చేశారు. నిజాలను నిర్ధారించుకోకుండా ఇలాంటి కంటెంట్‌ను షేర్‌ చేయవద్దని ప్రజలను హెచ్చరించారు. తన ఫొటోను కొందరు అభిమానులు దుర్వినియోగం చేస్తున్న విషయాన్ని గమనించాలని జూనియర్‌ ఎన్టీఆర్‌ను ట్యాగ్‌ చేస్తూ విజ్ఞప్తి చేశారు.

జూరాల కాలువకు నీటిని విడుదల చేసుకున్న 14 మంది రైతులపై పోలీసులు కేసులు నమోదు చేశారు. సాగునీరు అందక పంటలు ఎండిపోతున్నాయంటూ రైతులు జూరాల ప్రాజెక్టు వద్ద ఆందోళన చేపట్టగా.. అధికారులు స్పందించకపోవడంతో కొందరు రైతులు గేట్లు ఎత్తి నీటిని విడుదల చేసుకున్నట్లు పోలీసులు తెలిపారు. ఇరిగేషన్‌ డీఈ ఫిర్యాదు మేరకు కేసులు నమోదయ్యాయి. దీనిపై మాజీ మంత్రి హరీశ్‌రావు తీవ్రంగా స్పందించారు. రైతులపై కేసులు పెట్టడం హేయమైన చర్య అని విమర్శిస్తూ.. కేసులు వెంటనే ఉపసంహరించుకోవాలని డిమాండ్ చేశారు. మాజీ మంత్రి లక్ష్మారెడ్డి కూడా ప్రభుత్వ తీరును తప్పుబట్టారు.

Telangana Breaking News Today: తెలంగాణకు సంబంధించిన బ్రేకింగ్ న్యూస్, లేటెస్ట్ అప్డేట్స్ కోసం ఈ లైవ్ బ్లాగ్‌ను చూడండి. హైదరాబాద్‌తోపాటు తెలంగాణ జిల్లాల సమాచారం, పొలిటికల్ అప్డేట్స్ కూడా ఇందులో మీరు చూడొచ్చు.