సీఎం చంద్రబాబు అధ్యక్షతన జరిగిన ఏపీ కేబినెట్‌ సమావేశంలో 12 కీలక అజెండా అంశాలకు ఆమోదం లభించింది. రేపల్లెలోని 30 పడకల కమ్యూనిటీ హెల్త్‌ సెంటర్‌ను రూ.58.42 కోట్లతో 100 పడకల ఆసుపత్రిగా అప్‌గ్రేడ్‌ చేయడంతో పాటు 66 పోస్టులను మంజూరు చేయాలని నిర్ణయించారు. 2026-27 ‘తల్లికి వందనం’ పథకానికి రాటిఫికేషన్‌ ఇచ్చారు. విశాఖ మరికవలసలో గిరిజన విద్యార్థులకు ఐఐటీ జేఈఈ, నీట్ కోచింగ్‌ అందించేందుకు సెంటర్‌ ఆఫ్‌ ఎక్సలెన్స్‌కు ఆమోదం తెలిపారు. విదేశీ ఉన్నత విద్యాసంస్థలు, ప్రైవేట్‌ యూనివర్సిటీ క్యాంపస్‌ల ఏర్పాటుకు నూతన పాలసీ-2026కు గ్రీన్‌సిగ్నల్‌ ఇచ్చారు. భూముల బదలాయింపులు, ఆశా కార్యకర్తల గ్రాట్యుటీ వంటి ప్రతిపాదనలకు కూడా ఆమోదం లభించింది.

డ్రైవర్‌ సుబ్రహ్మణ్యం హత్య కేసులో వైసీపీ ఎమ్మెల్సీ అనంతబాబుకు సుప్రీంకోర్టులో ఊరట లభించలేదు. ఆయన దాఖలు చేసిన బెయిల్‌ పిటిషన్‌ను న్యాయస్థానం తిరస్కరించింది. ముందుగా హైకోర్టును ఆశ్రయించాలని సూచించింది. కేసు విచారణ తుది దశలో ఉండటం, మొత్తం 87 మంది సాక్షుల్లో చాలామంది విచారణ పూర్తవడం వంటి అంశాలను కోర్టు పరిగణనలోకి తీసుకుంది. ఇదే కేసులో అనంతబాబు భార్య లక్ష్మీదుర్గ కోరిన ట్రయల్‌ గడువు పొడిగింపు అభ్యర్థనపైనా కోర్టు స్పందించింది. రోజువారీ విచారణ కొనసాగుతున్నందున ట్రయల్‌ను వేగంగా పూర్తి చేయాలని సూచించింది.

Ys Sharmila Meet Tamil Nadu Cm Vijay In Chennai: తమిళనాడు సీఎం విజయ్‌ను వైఎస్ షర్మిల కలిశారు. తన కుమార్తె అంజలి రెడ్డి, సోమల రఘురామ్ రెడ్డిల వివాహానికి హాజరు కావాలని కోరారు. ఆమె భర్త అనిల్ కుమార్‌తో కలిసి విజయ్‌కు ఆహ్వాన పత్రిక అందజేశారు. షర్మిల కుమార్తె ఎంగేజ్‌మెంట్ సెప్టెంబర్ 24న జరగ్గా.. వివాహం నవంబర్ 25న జరగనుంది. ఇటు తమిళనాడు సీఎం విజయ్‌ను టీడీపీ ఎంపీలు కలిశారు.. విజయవాడ ఉత్సవ్‌కు ఆహ్వానించారు.

Nellore Ysrcp Mayor Candidate Anam Vijaykumar Reddy: ఏపీలో స్థానిక సంస్థల ఎన్నికలపై వైఎస్సార్‌సీపీ దూకుడు పెంచింది. స్థానిక సంస్థల ఎన్నికల్లో తొలి అభ్యర్థిని ప్రకటించింది. నెల్లూరు వైఎస్సార్‌‌‌సీపీ మేయర్ అభ్యర్థిగా ఆనం విజయ్‌కుమార్‌రెడ్డిని వైఎస్ జగన్ ప్రకటించారు. రిజర్వేషన్లు ఖరారు కాకముందే జగన్ ఆనంను అభ్యర్థిగా ప్రకటించడం ఆసక్తికరంగా మారింది.