అనకాపల్లి జిల్లాలో విషాదకర ఘటన జరిగింది. 40 మంది ప్రయాణికులున్న కాకినాడ నుంచి విశాఖపట్నం వెళ్లే నాన్‌స్టాప్ ఎక్స్‌ప్రెస్‌ బస్సులో ఆర్టీసీ డ్రైవర్‌కు గుండె నొప్పి వచ్చింది. తునిలో ఆయనకు ఛాతిలో నొప్పి మొదలవ్వగా.. నక్కపల్లి వరకు ఓర్చుకున్నారు. అక్కడ నొప్పి ఎక్కువవడంతో ఆయన ముందు ప్రయాణికుల కోసం ఆలోచించి.. సేఫ్ ప్లేస్‌లో బస్సును ఆపి.. సీటులోనే కుప్పకూలిపోయారు. దాంతో ప్రయాణికులు ఆయనకు సీపీఆర్ చేసి.. వెంటనే ఆస్పత్రికి తరలించారు. కానీ అప్పటికే ఆయన మరణించినట్టు వైద్యులు నిర్దారించారు.

అస్సాంకు చెందిన ఓ యువతి మృతదేహం ఆంధ్రప్రదేశ్‌లో లభ్యమైంది. ఈ మృతి ఇప్పుడు మిస్టరీగా మారింది. డాన్స్ ప్రోగ్రామ్ కోసం ఆంధ్రాకు వచ్చి, తిరిగి తన సొంతూరికి వెళ్తున్న 20 ఏళ్ల గిరిజన యువతి ట్రైన్‌లో అదృశ్యమైంది. దాంతో వారి తల్లిదండ్రులు ఆమె గురించి పోలీసులకు ఫిర్యాదు చేశారు. దాంతో పోలీసులు గాలింపు చర్యలు చేపట్టగా. ఆ యువతి మృతదేహం మాత్రం ఆంధ్రప్రదేశ్‌లో కనిపించింది. అయితే ఆ యువతి మృతికి కారణాలు తెలియరాలేదు. అసలు ఆ రాత్రి ట్రైన్‌లో ఏం జరిగింది? ఆమెను ఎవరైనా వేధించారా? అనే కోణంలో పోలీసులు దర్యాప్తు చేస్తున్నారు.

Hyderabad Devotee Donated Two Bangaru Pagadala Haralu To Tirumala Temple: తిరుమల శ్రీవారికి మరోసారి భక్తుల నుంచి కానుకలు, విరాళాలు అందాయి. తిరుమల శ్రీవారికి హైదరాబాద్‌కు చెందిన భక్తురాలు రెండు బంగారు పగడాల హారాలను అందజేశారు. ఈ రెండు హారాల విలువ రూ.25 లక్షలు ఉంటుందని చెబుతున్నారు. అలాగే హైదరాబాద్‌కు చెందిన భక్తుడు, అమెరికాకు చెందిన మరో భక్తుడు టీటీడీ బర్డ్, ప్రాణదాన ట్రస్ట్‌లకు చెరో రూ.10 లక్షల చొప్పున విరాళాను అందజేశారు.

Kolagatla Veerabhadra Swamy Respond On Party Change Rumours: విజయనగరం జిల్లాలో మరో మాజీ ఎమ్మెల్యే జనసేన పార్టీలో చేరబోతున్నట్లుగా ప్రచారం జరుగుతోంది. విజయనగరం మాజీ ఎమ్మెల్యే కొలగట్ల వీరభద్ర స్వామి జనసేన పార్టీలోకి వెళతారంటూ సోషల్ మీడియాలో చర్చ నడుస్తోంది. ఈ ఊహాగాానాలపై కొలగట్ల స్పందించారు.. తాను పార్టీ మారతానంటూ జరుగుతున్న ప్రచారంలో నిజం లేదన్నారు. తాను కొద్దిరోజులుగా విజయనగరంలో ఉండటంలేదని.. ఇంతలో తాను పార్టీ మారబోతున్నట్లు ప్రచారం చేస్తున్నారని చెప్పుకొచ్చారు.

TDP Mps Meet Telangana Cm Revanth Reddy In Delhi: తెలంగాణ సీఎం రేవంత్ రెడ్డితో ఏపీ టీడీపీ ఎంపీలు సమావేశమయ్యారు. ఢిల్లీలో రేవంత్‌ను కలిసిన ఎంపీలు విజయవాడలో నిర్వహించే దసరా ఉత్సవాలు, విజయవాడ ఉత్సవ్-.2.0కు ముఖ్య అతిథిగా హాజరుకావాలని ఆహ్వానించారు. టీడీపీ ఎంపీలు విజయవాడ ఉత్సవ్ వేడుకలు, దసరా ఉత్సవాలకు వివిధ రాష్ట్రాల సీఎంలు, ప్రముఖుల్ని ఆహ్వానిస్తున్నారు. రెండు రోజుల క్రితం తమిళనాడు సీఎం విజయ్‌ను కూడా ఆహ్వానించారు.

Kharagpur Amaravati Greenfield Highway Polavaram: పశ్చిమ బెంగాల్‌లోని ఖరగ్‌‌పూర్ నుంచి ఆంధ్రప్రదేశ్ రాజధాని అమరావతికి గ్రీన్‌ఫీల్డ్ హైవేను కేంద్రం మంజూరు చేసింది. ఈ హైవేకు సంబంధించిన ఎలైన్‌మెంట్‌లో మార్పు చేయాలని ఏపీ ప్రభుత్వం కేంద్రాన్ని కోరుతోంది. ఈ హైవే పట్టిసీమ మీదుగా కాకుండా పోలవరం మీదుగా మళ్లిచంాలని కోరుతోంది. ఏపీ పరిధిలో మొత్తం 457 కిలోమీటర్లు ఉంది. ఈ మేరకు ఢిల్లీ పర్యటనలో ఉన్న చంద్రబాబు ఈ అంశాన్ని కేంద్రమంత్రుల దగ్గర ప్రస్తావించే అవకాశం ఉందంటున్నారు.

AP High Court On Bone Marrow Treatment: ఏపీలోని మూడు ప్రభుత్వాస్పత్రుల్లో బోన్‌మ్యారో చికిత్సను అందుబాటులోకి రానుంది. ఈ మేరకు ఏపీ ప్రభుత్వ లాయర్ హైకోర్టుకు వివరాలు వెల్లడించారు. మూడు చోట్ల బోన్‌మ్యారో చికిత్స అందుబాటులోకి తెచ్చేందుకు తీసుకొచ్చేందుకు చర్యలు తీసుకుంటున్నామన్నారు. ఆర్థికశాఖ దగ్గర ఫైల్ క్లియర్‌ కాగానే ఈ అంశంపై స్పష్టత వస్తుందన్నారు. వీలైనంత త్వరగా ఈ చికిత్సను అందుబాటులోకి తీసుకురావాలని హైకోర్టు ధర్మాసనం ప్రభుత్వాన్ని ఆదేశించింది.