ఏపీ ప్రజలకు ఊరట.. మూడు ప్రభుత్వ ఆస్పత్రుల్లో బోన్‌మ్యారో చికిత్స.. లక్షల్లో ఖర్చు చేసే పని లేకుండా!

AP High Court On Bone Marrow Treatment: ఏపీలోని మూడు ప్రభుత్వాస్పత్రుల్లో బోన్‌మ్యారో చికిత్సను అందుబాటులోకి రానుంది. ఈ మేరకు ఏపీ ప్రభుత్వ లాయర్ హైకోర్టుకు వివరాలు వెల్లడించారు. మూడు చోట్ల బోన్‌మ్యారో చికిత్స అందుబాటులోకి తెచ్చేందుకు తీసుకొచ్చేందుకు చర్యలు తీసుకుంటున్నామన్నారు. ఆర్థికశాఖ దగ్గర ఫైల్ క్లియర్‌ కాగానే ఈ అంశంపై స్పష్టత వస్తుందన్నారు. వీలైనంత త్వరగా ఈ చికిత్సను అందుబాటులోకి తీసుకురావాలని హైకోర్టు ధర్మాసనం ప్రభుత్వాన్ని ఆదేశించింది.