ఏపీ స్థానిక ఎన్నికలపై ఎన్నికల సంఘం ఒక క్లారిటీ ఇచ్చింది. ఎన్నికలు ఇంకో రెండు నెలలు ఆలస్యం అవుతాయనే వార్తలను ఖండించింది. పుకార్లను నమ్మొద్దని ప్రజలను కోరింది. స్థానిక ఎన్నికలకు సంబంధించి ఏ సమాచారమైన మీడియా సమావేశం ద్వారా వెల్లడిస్తామని పేర్కొంది. సోషల్ మీడియాలో వస్తున్న సమాచారాన్ని నమ్మే ముందు.. సంబంధిత అధికారిక వెబ్‌సైట్‌లో ఉన్న వివరాలతో ధ్రువీకరించుకోవాలని సూచించింది. అలాగే స్థానిక ఎన్నికలపై పుకార్లు సృష్టించినా, ఫార్వార్డ్ చేసినా కఠిన చర్యలు తీసుకుంటామని హెచ్చరించింది.

విజయవాడలో కెపాసిటీ బిల్డింగ్ కమిషన్ నిర్వహించిన మిషన్ కర్మయోగి వర్క్‌షాప్‌లో సీఎం చంద్రబాబునాయుడు పాల్గొన్నారు. ఈ సందర్భంగా దేశంలో ప్రస్తుతం విప్లవాత్మక మార్పులు జరుగుతున్నాయని ఆయన అన్నారు. డెవలప్‌మెంట్, సంక్షేమం, సంపద సృష్టి దిశగా యంత్రాంగం సమాయత్తం కావాలని పిలుపునిచ్చారు. ప్రతి ఒక్కరి జీవన ప్రమాణాలు పెంచడమే ప్రధాన లక్ష్యమని పేర్కొన్నారు. అలాగే జనాలు ఎక్కువ రీల్స్ చూస్తున్నారని, వాటిపైన సమయం వృథా చేయడం మంచిది కాదని హితవు పలికారు. వ్యక్తిగత నైపుణ్యాలు పెంచుకోవడానికి అందరూ ప్రయత్నించాలని చంద్రబాబునాయుడు సూచించారు.

AP SEC Respond On Local Body Elections Delay News: స్థానిక సంస్థల ఎన్నికల షెడ్యూల్‌పై ఆంధ్రప్రదేశ్ రాష్ట్ర ఎన్నికల సంఘం స్పష్టత ఇచ్చింది. సోషల్ మీడియాలో వేదికగా స్థానిక సంస్థల ఎన్నికలు మరో రెండు నెలలు ఆలస్యం కావొచ్చంటూ జరుగుతున్న ప్రచారంలో నిజం లేదని తెలిపింది. తప్పుడు ప్రచారం చేస్తున్నవారిపై చట్ట ప్రకారం చర్యలు తీసుకుంటామని హెచ్చరించారు. రాష్ట్ర ఎన్నికల సంఘం అధికారిక సమాచారాన్ని మాత్రమే నమ్మాలని సూచించారు.

Ichapuram To Tada Railway Lines Expansion: ఏపీలో రైల్వే లైన్ల విస్తరణకు సంబంధించి కీలక అప్డేట్ వచ్చింది. రాష్ట్రం మీదుగా వెళుతున్నహౌరా టు చెన్నై రైల్వే లైన్‌ను విస్తరించాలని రైల్వేశాఖ నిర్ణయం తీసుకుంది. ఈ రూట్‌లోని ఇచ్చాపురం నుంచి తడ వరకు నాలుగు లైన్ల రైలు మార్గంగా విస్తరించనున్నారు. మొత్తం 962.50 కిలోమీటర్లు పొడవున రైల్వే లైన్‌ను విస్తరించనున్నారు. ఇప్పటికే ఆయా రూట్లలో మూడు లైన్ల వరకు విస్తరించగా.. మిగిలిన నాలుగో లైన్‌ నిర్మించనున్నారు.

AP Govt Changes In Employees EHS Fund Transfer Process: ఆంధ్రప్రదేశ్‌ ప్రభుత్వం ఉద్యోగులు, పెన్షనర్ల కు సంబంధించి కీలక నిర్ణయం తీసుకుంది. ఎంప్లాయిస్ హెల్త్‌ స్కీమ్‌ (EHS) కింద వారి నుంచి సేకరించే నెలవారీ డబ్బుల్ని, ప్రభుత్వ వాటాను నిర్ణీత సమయంలోగా ఎన్టీఆర్‌ వైద్యసేవ ట్రస్టు బ్యాంకు అకౌంట్‌కు నేరుగా జమ చేయాలని ప్రభుత్వం ఆదేశించింది. ఈ మేరకు ఉత్తర్వులు జారీ చేశారు. ఈ నెల 5న ముఖ్యమంత్రి చంద్రబాబును ఉద్యోగ సంఘాల నేతలు కలిసిన సమయంలో ఈ సమస్యను వివరించారు.

AP Govt Orders On Contract Employees Regularization: ఏపీ ప్రభుత్వం కొంతకాలంగా కాంట్రాక్ట్ ఉద్యోగుల్ని రెగ్యులరైజ్ చేస్తోంది. క్రమద్ధీకరణకు సంబంధించిన సమస్యల్ని ఒక్కొక్కటిగా పరిష్కరిస్తోంది. తాజాగాసెకండరీ హెల్త్‌లో ఒప్పంద ఉద్యోగుల క్రమబద్ధీకరణకు లైన్ క్లియర్ చేసింది. సెకండరీ హెల్త్‌ పరిధిలో అర్హులైన కాంట్రాక్ట్ ఉద్యోగుల్ని క్రమబ్ధీకరించేందుకు ఆర్థిక శాఖ నుంచి క్లియరెన్స్ వచ్చింది. గతంలో సాంకేతిక సమస్యల కారణంగా ఇబ్బందులు ఎదురవ్వగా.. వాటిని పరిష్కరించి క్రమబద్ధీకరణకు గ్రీన్‌సిగ్నల్ ఇచ్చేసింది.

AP Govt Social Media Influencers Policy Go: ఏపీప్రభుత్వం సోషల్‌ మీడియా ఇన్‌ప్లుయెన్సర్ల పాలసీకి సంబంధించి ఉత్తర్వులుజారీ చేసింది. సోషల్‌ మీడియా ద్వారా సంక్షేమ పథకాలు, అభివృద్ధి పనులు, ప్రజా అవగాహన కార్యక్రమాలను ప్రచారం చేసేందుకు చర్యలు తీసుకుంటోంది. విశ్వసనీయత కలిగిన సోషల్‌ మీడియా ఇన్‌ఫ్లుయెన్సర్లను గుర్తిస్తారు. ఆన్‌లైన్ ద్వారా దరఖాస్తు చేసుకుంటే స్క్రూటినీ కమిటీ పరిశీలించి ఎంపిక చేస్తుంది. అనంతరం వారికి ఐడీ కార్డులు జారీ చేసి ఏడాది పాటూ వారి పనితీరును పరిశీలిస్తారు.