హాస్టల్ విద్యార్థులకు ప్రభుత్వం గుడ్‌న్యూస్ చెప్పింది. విద్యార్థులకు అందించే డైట్ ఛార్జీలను పెంచుతూ ఉత్తర్వులు జారీ చేసింది. ఈ పెరిగిన ఛార్జీలు అక్టోబర్ 1, 2026 అంటే గురువారం నుంచి అమల్లోకి వచ్చాయి. పెరిగిన డైట్ ఛార్జీలకు అనుగుణంగా స్టూడెంట్స్‌కు కొత్త మెనూను ప్రభుత్వం రెడీ చేసింది. ఇందులో భాగంగా వారంలో ఆరు రోజులు గుడ్లు.. మూడు రోజులు చికెన్.. ప్రతిరోజూ పాలు, పండ్లు అందించేలా మెనూను రూపొందించడం జరిగింది. వీటితో పాటు చికెన్ బిర్యానీ, చికెన్ కర్రీ, ఎగ్ కర్రీతో పాటు పులిహోర, ఇడ్లీ, ఉప్మా, పొంగల్ వంటి టిఫిన్లు కూడా మెనూలో ఉన్నాయి. వీటితో పాటు రాగి లడ్డూ, మల్టీ మిల్లెట్ చిక్కీలు, పండ్లను కూడా మెనూలో పొందుపరిచారు.

స్థానిక సంస్థల ఎన్నికల్లో బీసీలకు 34 శాతం రిజర్వేషన్లపై హైకోర్టులో ఏపీ ప్రభుత్వానికి చుక్కెదరయ్యింది. దీంతో సుప్రీంకోర్టుకు వెళ్లనుంది. ఈ విషయాన్ని ముఖ్యమంత్రి చంద్రబాబునాయుడు వెల్లడించారు. బీసీలకు 34 శాతం కోటాపై ఇచ్చిన రెండు జీవోలను ఏపీ హైకోర్టు గురువారం కొట్టి వేసింది. అయితే దీనిపై వచ్చే సోమవారంలోపు పిటిషన్ వేయాలని ప్రభుత్వం ఆదేశాలు జారీ చేసింది. ఢిల్లీలో ప్రభుత్వం వేసే పిటిషన్‌పై వాదించేందుకు సుప్రీంకోర్టు సీనియర్ లాయర్లను నియమించాలని ముఖ్యమంత్రి స్పష్టం చేశారు. బీసీ రిజర్వేషన్లను వైసీపీ ప్రభుత్వం అడ్డుకుంటుందని ఆయన ఆరోపించారు.

ఈ ఏడాది రాష్ట్రంలో వర్షపాతం వివరాలను ఏపీ స్టేట్ డిజాస్టర్ మేనేజ్‌మెంట్ అథారిటీ వెల్లడించింది. ఆ డేటా ప్రకారం ఏపీలో కేవలం 383.6 మిల్లీమీటర్లు మాత్రమే నమోదైంది. రాష్ట్ర వ్యాప్తంగా చూసుకుంటే ఏకంగా 34.9 శాతం లోటు వర్షపాతం రికార్డైంది. మొత్తం 28 జిల్లాల గణాంకాలను పరిశీలిస్తే కేవలం ఒక ఏడు జిల్లాల్లో మాత్రమే పరిస్థితి కాస్త బెటర్‌గా ఉంది. విశాఖపట్నం, విజయనగరం, శ్రీకాకుళం, అల్లూరి సీతారామరాజు , కాకినాడ కృష్ణా, గుంటూరు జిల్లాలో కాస్తా మంచి వర్షపాతం నమోదైంది. ఇక అన్నమయ్య జిల్లా సాధారణ వర్షపాతం 403.4 మిల్లి మీటర్లు ఉండగా, కేవలం 151.6 మిల్లి మీటర్లు మాత్రమే నమోదైంది.

విదేశాలకు ఉత్పత్తుల ఎగుమతుల్లో ఆంధ్రప్రదేశ్ సత్తా చాటుకుంది. 2025-26 సంవత్సరంలో ఆంధ్రప్రదేశ్ నుంచి వివిధ దేశాలకు అత్యధికంగా సరుకులు ఎగుమతి అయ్యాయి. రూ.1,76,503.37 కోట్ల విలువైన వివిధ రకాల ఉత్పత్తులను విదేశాలకు పంపింది. దీనిపై డైరెక్టరేట్ జనరల్ ఆఫ్ కామర్స్ ఇంటెలిజెన్స్ గణాంకాలను రిలీజ్ చేసింది. ఆ లెక్కల ప్రకారం ఎగుమతుల్లో విశాఖపట్నం టాప్‌లో నిలిచింది. తూర్పుగోదావరి, చిత్తూరు, గుంటూరు తర్వాత స్థానాల్లో ఉన్నాయి. అలాగే రాష్ట్రం నుంచి ఎక్కువగా ఎగుమతైన దేశాల్లో అమెరికా మొదటి స్థానంలో ఉంది. రాష్ట్రం నుంచి అత్యధికంగా మెరైన్ విదేశాలకు ఎక్స్‌పోర్ట్ అయింది.