ఇథనాల్ కలిపి పెట్రోల్ వినియోగంపై అనేక అనుమానాలు, ఆందోళనలు వ్యక్తమవుతున్నాయి. పర్యావరణ పరిరక్షణ చర్యల్లో భాగంగా సాధారణ పెట్రోల్‌కు 20 శాతం ఇథనాల్‌ను మిక్స్ చేసి విక్రయించాలని కేంద్ర ప్రభుత్వం ఆదేశించింది. అయితే, దీని వల్ల మైలేజ్ తగ్గుతోందని, ఇంజిన్లు వైఫల్యం సమస్య ఎదురవుతోందని ఆరోపణలు వెల్లువెత్తుతున్నాయి. ఈ నేపథ్యంలో ఇంధనం విక్రయించే పెట్రోల్ బంకుల్లో తప్పనిసరిగా ఇథనాల్ శాతం బహిర్గతం చేసేలా ఆదేశాలు జారీచేయాలని కోరుతూ సుప్రీంకోర్టులో పిటిషన్ దాఖలు కాగా.. దీనిని విచారించడానికి నిరాకరించింది.

ఖైదీలలో నేర ప్రవృత్తిని మార్చి వారిని పునరావాసం వైపు మళ్లించేందుకు జార్ఖండ్ ప్రభుత్వం అత్యంత కీలకమైన సంస్కరణలకు శ్రీకారం చుట్టింది. శిక్ష అనుభవిస్తున్న ఖైదీలు పగటిపూట జైలు బయటకు వెళ్లి ఉద్యోగం లేదా పనులు చేసుకుని, ఉపాధి ద్వారా తమ కుటుంబాలను పోషించుకునేందుకు అనుమతినిచ్చింది. రాష్ట్రంలోని నాలుగు ప్రధాన సెంట్రల్ జైళ్లలో ఓపెన్, సెమీ-ఓపెన్ బ్యారక్స్ విధానం ద్వారా పగలు పనిచేసి సాయంత్రానికి తిరిగి జైలుకు వచ్చేలా ప్రత్యేక విధివిధానాలను ఖరారు చేస్తోంది.

తమిళనాడు ముఖ్యమంత్రి జోసెఫ్ విజయ్ పాలన 100 రోజులు పూర్తి చేసుకున్న వేళ వెలువడిన మూడ్ ఆఫ్ ది నేషన్ సర్వే ఫలితాలు రాష్ట్ర రాజకీయాల్లో తీవ్ర కల్లోలాన్ని రేపాయి. ప్రధాని రేసులో విజయ్ మూడో స్థానంలో నిలవడంతో టీవీకే శ్రేణులు విజయ్ ఫర్ పీఎం ప్రచారాన్ని వేగవంతం చేశాయి. అయితే ఈ ప్రచారంపై ఆగ్రహం వ్యక్తం చేసిన కూటమి భాగస్వామి కాంగ్రెస్.. 2029లో రాహుల్ గాంధీకి మద్దతు ఇవ్వకుంటే విజయ్ మంత్రివర్గం నుంచి రాజీనామా చేస్తామని తీవ్ర హెచ్చరికలు జారీ చేసింది.

నేపాల్, టిబెట్‌లను తీవ్రంగా ముంచెత్తి వందలాది మంది ప్రాణాలను బలిగొన్న ఘోర జలప్రళయానికి కారణం.. గ్లేసియర్ విరిగిపడటమే అనే విషయం అందరికీ తెలిసిందే. కానీ అదెలా విరిగింది అనేది ఇప్పటి వరకు ఎవరూ చూడలేదు. కానీ తాజాగా ఈ విపత్తుకు కారణమైన గ్లేసియర్ విరిగిపడే దృశ్యాలు అనుకోకుండా ఓ టూరిస్ట్ డ్రోన్ కెమెరాకు చిక్కాయి. ప్రస్తుతం ఇందుకు సంబంధించిన వీడియో నెట్టింట తెగ వైరల్ అవుతోంది. అందులో లాంగ్‌టాంగ్ లిరుంగ్ పర్వత శిఖరం వద్ద భారీ మంచు కొండచరియలు హఠాత్తుగా తెగిపడి లోయలోకి విరుచుకుపడటం స్పష్టంగా కనిపిస్తోంది.

నేపాల్ జలప్రళయ ఘటనపై ప్రపంచమంతా తీవ్ర దిగ్భ్రాంతి వ్యక్తం చేస్తుండగానే.. అమెరికాలోని ఆరిజోనా రాష్ట్రంలోనూ ప్రకృతి విలయతాండవం చేసింది. ప్రసిద్ధ గ్రాండ్ కాన్యన్ నేషనల్ పార్క్‌లోని బ్రైట్ ఏంజెల్ క్రీక్ ప్రాంతంలో ఒక్కసారిగా విరుచుకుపడ్డ ఆకస్మిక వరదల్లో 15 మంది పర్వతారోహకులు సహా 20 మందికి పైగా పర్యాటకులు కొట్టుకుపోయి గల్లంతయ్యారు. కొలరాడో నదిలోకి భవనాలు, వంతెనలు కొట్టుకుపోగా, అధికారులు హెలికాప్టర్ల ద్వారా 62 మందిని సురక్షిత ప్రాంతాలకు తరలించారు.

పశ్చిమాసియా యుద్ధం ఆరు నెలలు పూర్తి చేసుకున్న వేళ ఇరాన్ సుప్రీం నేత మొజ్తబా ఖమేనీ గల్ఫ్ సహా ముస్లిం దేశాలకు ఒక కీలక సందేశాన్ని ఇచ్చారు. ముస్లిం ప్రపంచం తమ మధ్య ఉన్న అంతర్గత విభేదాలను పక్కనబెట్టి తమ నిజమైన శత్రువులైన అమెరికా, ఇజ్రాయెల్‌లను గుర్తించి ఏకతాటిపై నిలబడాలని పిలుపునిచ్చారు. ముస్లిం దేశాల మధ్య ఐక్యత లేకపోవడం వల్లే పాలస్తీనియన్లు నిస్సహాయ స్థితికి దిగజారారని ఆవేదన వ్యక్తం చేసిన ఆయన.. ఇరాన్ పౌరులు కూడా సామాజిక సమైక్యతను కాపాడుకుంటూ డాలర్ వినియోగాన్ని క్రమంగా తగ్గించాలని స్పష్టం చేశారు.

నేపాల్‌ను ముంచెత్తిన ఆకస్మిక వరదలు ఆ దేశంలో ఎంతటి విషాదాన్ని నింపాయో ప్రత్యేకంగా చెప్పాల్సిన అవసరం లేదు. అయితే ఇప్పటికీ బాధితులు తమ వాళ్లను కోల్పోయి ఏడుస్తుండగా.. ఓ మిరాకిల్ జరిగింది. ముఖ్యంగా రసువా జిల్లాలోని తిమురే గ్రామంలో భోటే కోషి నది సృష్టించిన బీభత్సానికి దట్టమైన మట్టి, శిథిలాల కింద ఏకంగా మూడు రోజుల పాటు చిక్కుకుపోయిన ఆరేళ్ల చిన్నారి మనీషా మగర్‌ను ఆర్మడ్ పోలీస్ ఫోర్స్ సిబ్బంది సజీవంగా వెలికితీశారు. ఆమె ఏడుపు విని అప్రమత్తమైన రెస్క్యూ టీమ్.. చిన్నారిని కాపాడి హెలికాప్టర్ ద్వారా అత్యవసర వైద్యం కోసం కాఠ్మాండు ఆసుపత్రికి తరలించారు.

భారతీయ పౌరుల కోసం ఉజ్బెకిస్థాన్ 30 రోజుల వీసా రహిత విధానం అందుబాటులోకి తెచ్చింది. ప్రధాని మోదీ పర్యటన సందర్భంగా ఉజ్బెకిస్థాన్ అధ్యక్షుడు మిర్జియోయెవ్ ఈ ప్రకటన చేశారు. ఈ విధానం పూర్తి స్థాయిలో అమల్లోకి వస్తే భారతీయులు వీసా లేకుండానే 30 రోజులు ఉజ్బెక్‌లో ఉండొచ్చు. ఈ విధానం ద్వారా ఇరుదేశాల మధ్య వ్యాపార, వాణిజ్య, పర్యాటక రంగాలు మరింత బలోపేతమవుతాయని ఉజ్బెకిస్థాన్ అధ్యక్షుడు తెలిపారు.