పార్టీ కోసం కష్టపడి పనిచేస్తూ, వివిధ కమిటీల్లో బాధ్యతలు నిర్వహిస్తూ అకస్మాత్తుగా లేదా ప్రమాదవశాత్తు మరణించే నాయకులు, కార్యకర్తల కుటుంబాలకు మాజీ ముఖ్యమంత్రి వైఎస్ జగన్ ఆర్థిక సాయం అందజేయాలని నిర్ణయం తీసుకున్నారు. పార్టీ నుంచి రూ. 5 లక్షల అందించనున్నట్లు ఆయన ప్రకటించారు. ఈ కార్యక్రమం అక్టోబరు 1, 2026 నుంచి అమల్లోకి వస్తుందని ఓ ప్రకటనలో తెలిపారు. అయితే, ఆర్థిక సాయం పొందాలంటే కొన్ని డాక్యుమెంట్లను సమర్పించాల్సి ఉంటుంది.

మిషన్ కర్మయోగి ద్వారా ప్రభుత్వ ఉద్యోగుల కెపాసిటి బిల్డింగ్‌లో ఆంధ్రప్రదేశ్ అగ్రగామిగా నిలిచింది. ఐగాట్-కర్మయోగి ప్లాట్‌ఫామ్ ద్వారా రెండు కోట్ల సామర్థ్య పెంపు కోర్సులను పూర్తి చేసినట్టు అధికారులు తెలిపారు. దక్షిణాది రాష్ట్రాల్లో ఏపీ మొదటి వరుసలో నిలిచింది. విజయవాడలో నిర్వహించిన ప్రాంతీయ మిషన్ కర్మయోగి వర్క్‌షాప్‌లో ఆంధ్రప్రదేశ్ అవార్డు అందుకుంది. తర్వాతి స్థానంలో కర్ణాటక, ఒడిశా నిలిచాయి. అయితే, ఉద్యోగులకు మరింత నైపుణ్యాల శిక్షణ కోసం ఐఐటీ, ఐఐఎంలతో ఒప్పందాలు చేసుకోవాలని సీఎం సూచించారు.