బాలీవుడ్ కింగ్ షారుఖ్ ఖాన్ చాలా రోజుల తర్వాత ‘ఎక్స్’ (ట్విట్టర్) వేదికగా ఫ్యాన్స్‌తో నిర్వహించిన ‘#AskSRK’ సెషన్‌లో పలు ఆసక్తికర విషయాల్ని పంచుకున్నారు. ఈ సందర్భంగా ఒక అభిమాని, “నిజాయితీగా చెప్పండి, మీ నిజ జీవితంలో మీరు చేసే అత్యంత ‘కింగ్ లాంటి పని’ ఏంటి?” అని అడగ్గా, షారుఖ్ బదులిస్తూ “ఉదయాన్నే మూడు కప్పుల కాఫీ తాగడమే” అని సరదాగా చెప్పారు.
మంచం దిగగానే, తనతో ఎవరైనా మాట్లాడటానికి ముందే కాఫీ కచ్చితంగా కావాలని, షూటింగ్‌కు ఆలస్యమవుతున్నా సరే ఈ 3 కప్పుల కాఫీ తాగడం మాత్రం ఆపనని ఆయన పేర్కొన్నారు. సాధారణంగా వర్క్‌హోలిక్స్ (ఎక్కువగా పనిచేసేవారు), కాఫీ ప్రియుల్లో ఈ అలవాటు తరచుగా కనిపిస్తుంది. అయితే, అందరికీ ఉదయాన్నే వరుసగా మూడు కప్పుల కాఫీ తాగడం సరిపడుతుందా? దీనివల్ల ఎలాంటి ప్రభావాలు ఉంటాయో వివరంగా చీఫ్ డైటీషియన్ డాక్టర్ సుజాత స్టీఫెన్ (యశోద హాస్పిటల్స్, హైదరాబాద్) వివరించారు. ఆ వివరాలేంటో ఇప్పుడు తెలుసుకుందాం.