శరీరంలో యూరిక్ యాసిడ్ స్థాయిలు పెరిగినప్పుడు అది కేవలం ఎముకల కీళ్లలోనే కాకుండా, తీవ్రమైన కీళ్ల వాపు, విపరీతమైన నొప్పిని కలిగించే గౌట్ వ్యాధికి దారితీస్తుంది. మందులతో పాటు సరైన ఆహారపు అలవాట్లు పాటించినప్పుడు మాత్రమే ఈ సమస్య అదుపులోకి వస్తుంది. అలాంటి పోషకాల గనిగా ‘కివీ’ పండు నిపుణుల ప్రశంసలు పొందుతోంది. విటమిన్-సి, పొటాషియం, యాంటీఆక్సిడెంట్లతో సమృద్ధిగా ఉండే కివీ శరీరం నుంచి టాక్సిన్లను బయటకు పంపి, యూరిక్ యాసిడ్ స్థాయిల్ని సహజ సిద్ధంగా అదుపు చేయడంలో తోడ్పడుతుంది. కివీ మెడికల్ చికిత్సకు పూర్తి ప్రత్యామ్నాయం కాకపోయినప్పటికీ, చికిత్సకు మంచి సహకారాన్ని అందిస్తుంది.
నేషనల్ లైబ్రరీ ఆఫ్ మెడిసిన్ ప్రకారం విటమిన్-సి పుష్కలంగా ఉండే పండ్లను క్రమం తప్పకుండా ఆహారంలో చేర్చుకోవడం వల్ల యూరిక్ యాసిడ్‌ను అదుపులో ఉంచుకోవచ్చు. సమతుల్య ఆహారం, ఆరోగ్యకరమైన జీవనశైలితో పాటు కివీని తీసుకోవడం వల్ల మూత్రపిండాల ద్వారా అదనపు యూరిక్ యాసిడ్ సులభంగా బయటకు వెళ్లిపోతుంది. యూరిక్ యాసిడ్‌ని తొలగించడంలో విటమిన్ సి ఎలా పనిచేస్తుందో ఇప్పుడు తెలుసుకుందాం.
