Naga Chaitanya: నాగ చైతన్యతో సినిమా చేయాలని ఆశ పడుతున్న బండ్ల గణేష్.. ఇంతకీ ఆ డైరెక్టర్ ఎవరు?

సుదీర్ఘ విరామం తర్వాత మళ్లీ సినిమాలు నిర్మించేందుకు సన్నాహాలు చేస్తున్న బండ్ల గణేష్.. అక్కినేని నాగచైతన్యతో వర్క్ చేయాలని తీవ్రంగా ప్రయత్నిస్తున్నారని అర్థమవుతోంది. ఇటీవల ఓ కార్యక్రమంలో చైతూను కలిసి “ఒక్క సినిమా ఇవ్వు బాబూ.. బ్లాక్ బస్టర్ తీస్తా” అని కోరగా, దానికి చైతన్య సానుకూలంగా స్పందించారు. పరమేశ్వర ఆర్ట్స్ బ్యానర్‌పై అక్కినేని వారసుడితో సినిమా చేయడానికి బండ్ల గణేష్ ఓ దర్శకుడిని కూడా సిద్ధం చేసినట్లు ఈ సందర్భంగా హింట్ ఇచ్చారు.