తెలంగాణ మద్యం మార్కెట్లోకి 18 ప్రముఖ సరఫరా సంస్థలకు చెందిన 121 కొత్త బ్రాండ్లు ప్రవేశించేందుకు రెడీ అవుతున్నాయి. గ్లెన్‌ఫిడిక్‌, ది మెకాలన్‌ సింగిల్‌ మాల్ట్‌లు, లూయిస్‌ థర్టిన్‌ కాగ్నాక్‌, మంకీ షోల్డర్‌, హెండ్రిక్స్‌ జిన్‌, టైగర్‌ లాగర్‌ వంటి ఇంటర్నేషనల్ బ్రాండ్లతోపాటు దేశీయ ప్రీమియం ఉత్పత్తులు జాబితాలో ఉన్నాయి. పారదర్శకత కోసం బ్రాండ్ల వివరాలు, కంపెనీలు సమర్పించిన పత్రాలను టీజీబీసీఎల్‌ వెబ్‌సైట్‌లో అందుబాటులో ఉంచారు. ట్రేడ్‌మార్క్‌ లేదా ఇతర అభ్యంతరాలను సెప్టెంబర్‌ 1లోపు సమర్పించేందుకు అవకాశం కల్పించారు.

తెలంగాణలోని ఆటో డ్రైవర్ల సంఘాలు తాము తలపెట్టిన నిరవధిక సమ్మెను విరమించుకున్నాయి. రవాణా శాఖ అధికారులు, రవాణా శాఖ మంత్రి పొన్నం ప్రభాకర్‌తో జరిపిన చర్చల అనంతరం ఈ నిర్ణయం తీసుకున్నాయి.

జీవితం అంతా ఈజీ కాదని మై విలేజ్ షో యూట్యూబ్ ఛానెల్ ద్వారా ఫేమస్ అయిన అంజి మామ వెల్లడించారు. అనుకున్నవి అనుకున్నట్లు ఎప్పుడూ జరగవి అన్నారు. తన 14 ఏళ్ల యూట్యూబ్ కెరీర్‌లో సంపాదించింది జీరో అని వెల్లడించారు. మై విలేజ్ షో స్టార్ చేసిన తన మేనల్లుడు శ్రీకాంత్‌తో చిన్న చిన్న విభేదాల కారణంగా బయటకు వచ్చానని.. ఆ తర్వాత డబ్బుల కోసం సినిమాల్లో వేషాలు వేస్తున్నట్లు చెప్పుకొచ్చారు. కుటుంబం కోసం ఖాళీ సమయాల్లో డ్రైవింగ్‌తో పాటు ఎలక్ట్రీషీయన్ వర్క్ చేస్తున్నట్లు ఓ యూట్యూబ్ ఛానెల్‌కు ఇచ్చిన ఇంటర్వ్యూలో వెల్లడించారు.