పశ్చిమాసియాలో ముదిరిన యూఎస్-ఇరాన్ ఘర్షణలు, పెరుగుతున్న ముడిచమురు ధరల ప్రభావంతో మంగళవారం భారతీయ స్టాక్ మార్కెట్లు నష్టాలతో ప్రారంభమయ్యే సూచనలు కనిపిస్తున్నాయి. గిఫ్ట్ నిఫ్టీ ప్రతికూల సంకేతాలు ఇస్తుండగా, ఇంట్రాడే ట్రేడింగ్ కోసం మార్కెట్ నిపుణులు 8 షేర్లను సిఫార్సు చేశారు.
LPG Price: ఒకటో తేదీ షాక్.. పెరిగిన వాణిజ్య గ్యాస్ సిలిండర్ ధర.. హైదరాబాద్ సహా నగరాల వారీగా కొత్త రేట్లు ఇవే..
LPG Price: వంట గ్యాస్ వినియోగదారులకు మరోసారి ధరల షాక్ తగిలింది. వాణిజ్య ఎల్‌పీజీ గ్యాస్ సిలిండర్ ధరలను పెంచుతూ చమురు మార్కెటింగ్ కంపెనీలు నిర్ణయం తీసుకున్నాయి. అయితే, గృహ వినియోగ సిలిండర్ ధరల్లో ఎలాంటి మార్పు చేయలేదు. ఒక్కో కమర్షియల్ సిలిండర్‌పై రూ. 9.50 పైన పెంచినట్లు తెలిపాయి. దీంతో వినియోగదారులపై అదనపు భారం పడనుంది. ఈ క్రమంలో ఢిల్లీ, హైదరాబాద్ సహా నగరాల వారీగా కొత్త రేట్లు ఎలా ఉన్నాయో తెలుసుకుందాం.
సుప్రీంకోర్టు జడ్జినంటూ సుకేష్ చంద్రశేఖర్‌ బెదిరింపులు.. 8 ఏళ్ల జైలుశిక్ష వేసిన న్యాయస్థానం
ఒక కేసులో బెయిల్ పొందేందుకు ఏకంగా సుప్రీంకోర్టు న్యాయమూర్తినంటూ నటిస్తూ స్పెషల్ జడ్జీని బెదిరింపులకు గురిచేసిన నేరగాడు సుకేష్ చంద్రశేఖర్‌కు ఢిల్లీ కోర్టు 8 ఏళ్ల జైలు శిక్ష విధించింది. విచారణ సందర్భంగా ప్రభుత్వ ఉద్యోగిలా నటించడం, బెదిరించడం వంటి నేరాలకు గాను విడివిడిగా శిక్షలు ఖరారు చేసి, అవన్నీ ఒకదాని తర్వాత ఒకటి అమలయ్యేలా జడ్జి తీర్పును ఇచ్చారు. న్యాయవ్యవస్థ సత్యనిష్ఠను దెబ్బతీసేలా సుకేష్ పాల్పడిన ఈ చర్య తీవ్రమైన వ్యవస్థాగత ద్రోహమని కోర్టు మండిపడింది.
భారీ నష్టాల్లో భూగర్భ బొగ్గు గనులు.. ప్రైవేటుకు అప్పగించేందుకు సిద్ధమైన సింగరేణి..!
భారీ నష్టాల్లో కొనసాగుతున్న భూగర్భ బొగ్గు గనులను మైన్ డెవలప్‌మెంట్ అండ్ ఆపరేషన్ (ఎండీవో) విధానంలో ప్రైవేటు సంస్థలకు అప్పగించేందుకు సింగరేణి పరిశీలిస్తోంది. ప్రయోగాత్మకంగా మందమర్రిలోని శాంతిఖని గనిని అప్పగించేందుకు లెటర్ ఆఫ్ ఇంట్రెస్ట్ కోరగా ఒక సంస్థ ముందుకొచ్చింది. శాంతిఖనిలో టన్ను ఉత్పత్తికి రూ.21,558 ఖర్చవుతుండగా విక్రయ ధర రూ.4,167 మాత్రమే. 2025 చివరి నాటికి 22 యూజీ గనుల్లో 21 నష్టాల్లో ఉండగా.. వాటి మొత్తం నష్టం రూ.1,924 కోట్లకు పైగా ఉంది. ఓసీ గనుల లాభాలతోనే యూజీ నష్టాలను భర్తీ చేస్తున్నారు.
బడికి పుస్తకం తేలేదని రోజంతా ఎండలో నిలబెట్టిన టీచర్.. పదేళ్ల చిన్నారి మృతి!
దేశ రాజధాని ఢిల్లీలోని తూర్పు వినోద్ నగర్ సర్వోదయ కన్యా విద్యాలయలో తీవ్ర హృదయ విదారక ఘటన చోటుచేసుకుంది. పాఠశాలకు పుస్తకం తెచ్చుకోలేదనే చిన్న కారణంతో ఉపాధ్యాయురాలు వేసిన కఠిన దండనకు పింకీ అనే పదేళ్ల విద్యార్థిని బలైపోయింది. తీవ్రమైన ఎండలో గంటల తరబడి నిలబెట్టడంతో ఆరోగ్యం క్షీణించగా.. ఉపాధ్యాయులు ఇచ్చిన సమాచారంతో ఆమె తల్లి అక్కడకు చేరుకుంది. వెంటనే కుమార్తెను ఆస్పత్రికి తరలించగా.. చికిత్స పొందుతూ చిన్నారి కన్నుమూసింది. ఆ పూర్తి వివరాలు మీకోసం.