Tirumala Electric Buses : టీటీడీకి 25 ఎలక్ట్రిక్ బస్సులను రిలయన్స్ ఫౌండేషన్ అందజేసిన విషయం తెలిసిందే. శ్రీవారి బ్రహ్మోత్సవాలకు పెద్ద సంఖ్యలో భక్తులు తరలిరానున్న సందర్భంగా ఈ బస్సులను అందుబాటులోకి తెచ్చారు. ముఖ్యమంత్రి చంద్రబాబు నాయుడు ఈవీ బస్సులను జెండా ఊపి ప్రారంభించారు.

Telangana Indiramma Free Sewing Machine Scheme : మహిళలకు 100 శాతం సబ్సిడీతో ఉచిత ఆటోమేటిక్ కుట్టు మిషన్లు అందించే ‘ఇంటింటా ఇందిరమ్మ కుట్టు మిషన్ పథకం’ దరఖాస్తు గడువును ప్రభుత్వం సెప్టెంబర్ 30 వరకు పొడిగించింది. ఈ మేరకు ప్రకటన విడుదలైంది.

కేసీఆర్ ఫాంహౌస్‌పై విచారణకు ఆదేశాలు జారీ చేస్తూ అసెంబ్లీ వేదికగా సీఎం రేవంత్ రెడ్డి సంచలన ప్రకటన చేశారు. కేసీఆర్ ఫాంహౌస్‌ పరిసరాల్లో ఉన్న ప్రైవేటు భూమి ఎంత, ప్రభుత్వ భూమి ఎంత అనే లెక్క తేల్చాలని కలెక్టర్, అధికారులకు ఆదేశాలు జారీ చేశారు. ఈ విచారణ పర్యవేక్షణ బాధ్యతను ముగ్గురు మంత్రులకు అప్పగించారు. నెలరోజుల్లోగా కేసీఆర్ ఫాంహౌస్‌ భూముల లెక్కలు తీయకపోతే అధికారులు, మంత్రులపై చర్యలు తీసుకునేందుకు కూడా వెనుకాడబోమని సీఎం స్పష్టం చేశారు. ప్రభుత్వ భూమి తేలితే.. అక్కడే దళితులకు పంపిణీ చేస్తామని ప్రకటించారు.

రోగుల భద్రత, వైద్యసేవల నాణ్యత పెంపు లక్ష్యంగా ఎన్‌హెచ్‌ఎం కొత్త ప్రిస్క్రిప్షన్‌ ఆడిట్‌ మార్గదర్శకాలను విడుదల చేసింది. ప్రభుత్వ, ప్రైవేటు ఆసుపత్రుల్లో ప్రిస్క్రిప్షన్లను క్రమం తప్పకుండా పరిశీలించాలని రాష్ట్ర వైద్యారోగ్యశాఖను సూచించింది. రోగి పూర్తి వివరాలు, మెడికల్ హిస్టరీ, అలెర్జీలు, పరీక్షల ఫలితాలు, మందుల ఫార్ములా, మోతాదు, వినియోగించే విధానం, తదుపరి రివ్యూ తేదీ స్పష్టంగా రాయాలి. రోగికి అనవసర యాంటీబయాటిక్స్‌, సిరప్‌లు, ఇంజెక్షన్ల వాడకాన్ని తగ్గించడంపైనా ప్రత్యేక దృష్టి పెట్టనున్నారు. ఫార్మకాలజిస్టులు, క్లినికల్‌ ఫార్మకాలజిస్టులు ఈ ఆడిట్లను నిర్వహించనున్నారు.

తెలంగాణలో సెప్టెంబరు 19 నుంచి మూడు రోజుల పాటు భారీ వర్షాలు కురిసే అవకాశం ఉందని హైదరాబాద్‌ వాతావరణ కేంద్రం తెలిపింది. ఈ మేరకు ములుగు, భద్రాద్రి కొత్తగూడెం, ఖమ్మం జిల్లాలకు ఎల్లో అలెర్ట్‌ జారీ చేసింది. 20, 21 తేదీల్లోనూ పలుచోట్ల భారీ వర్షాలు పడే అవకాశముందని చెప్పారు. రాష్ట్రంలో ఇప్పటికీ 18 జిల్లాల్లో వర్షాభావ పరిస్థితులు కొనసాగుతున్నాయన్నారు. 621 మండలాల్లో 323 మండలాల్లో తక్కువ వర్షపాతం నమోదు కాగా.. ఈ సీజన్‌లో 19 శాతం లోటు ఉండటంతో పంటల సాగు విస్తీర్ణం తగ్గింది. లక్ష్యంతో పోలిస్తే వరి సాగు 10.58 లక్షల ఎకరాలు తగ్గింది.

సెప్టెంబరు 17ను తెలంగాణ విమోచన దినోత్సవంగా అధికారికంగా నిర్వహించకపోవడానికి కాంగ్రెస్‌, భారాస ఓటుబ్యాంకు రాజకీయాలే కారణమని బీజేపీ రాష్ట్ర అధ్యక్షుడు ఎన్‌.రామచందర్‌రావు ఆరోపించారు. ఎంఐఎంకు రెండు పార్టీలు భయపడుతున్నాయని విమర్శించారు. హైదరాబాద్‌లో బీజేపీ మహిళా మోర్చా నిర్వహించిన మహిళా శక్తి ర్యాలీలో కేంద్ర మంత్రి కిషన్‌రెడ్డి‌తో కలిసి ఆయన పాల్గొన్నారు. నిజాం, రజాకార్లకు వ్యతిరేకంగా జరిగిన పోరాటంలో మహిళల పాత్రను ఈ సందర్భంగా కిషన్‌ రెడ్డి గుర్తుచేశారు. సెప్టెంబరు 17న సికింద్రాబాద్‌ పరేడ్‌ గ్రౌండ్స్‌లో కేంద్రం హైదరాబాద్‌ లిబరేషన్‌ డే వేడుకలు నిర్వహించనుందని తెలిపారు.

తెలంగాణ యువతకు రేవంత్ రెడ్డి సర్కార్ శుభవార్త చెప్పింది. యువతకు స్వయం ఉపాధి అవకాశాలను కల్పించే దిశగా రాజీవ్ యువ వికాసం పథకంపై కీలక ప్రకటన చేసింది. నవంబర్ 19వ తేదీ నుంచి అర్హులైన యువతకు రూ.1 లక్ష వరకు స్వయం ఉపాధి ఆర్థిక సాయం అందించేలా చర్యలు వేగవంతం చేయాలని డిప్యూటీ సీఎం భట్టి విక్రమార్క అధికారులను ఆదేశించారు.