ఎముకలు, పళ్ళు బలంగా ఉండాలంటే కాల్షియం తప్పనిసరి కావాలి. రాగుల్లోని కాల్షియం ఎముకలు, పళ్ళని బలంగా మారుస్తుంది. అంతేకాకుండా, రాగుల్లో ఫైబర్ ఎక్కువగా ఉంటుంది. కాబట్టి, ఉదయాన్నే రాగి జావ, రొట్టెలు తింటే కడుపు నిండినట్లుగా ఉంటుంది. ఎక్కువసేపు ఆకలి వేయదు. బరువు తగ్గాలనుకునేవారికి ఇది వరమని చెప్పొచ్చు. రాగిపిండి తీసుకోవడం వల్ల మరో ముఖ్య లాభమేంటంటే ఇందులోని ఫైబర్ జీర్ణక్రియని నెమ్మదిగా చేస్తుంది. దీంతో ఇన్సులిన్ లెవల్స్ ఒక్కసారిగా పెరగవు. కాబట్టి, షుగర్ ఉన్నవారికి మేలు జరుగుతుంది. ఇందులోని ఐరన్ అనీమియా సమస్యరాకుండా చేస్తుండి. అలానే ఫైబర్, జీర్ణవ్యవస్థని హెల్దీగా మారుస్తుంది. రాగుల్లోని గుణాలు చెడు కొలెస్ట్రాల్‌ని తగ్గించి రక్తపోటుని అదుపు చేస్తాయి. దీంతో గుండె సమస్యల ప్రమాదం తగ్గుతుంది. ఇన్ని లాభాలున్న రాగులని మనం రెగ్యులర్‌గా తీసుకోవడం మంచిది. అయితే, వీటిని ఎంతసేపు జావ, రొట్టెలా కాకుండా కాస్తా టేస్టీగా చేసుకోవాలనుకుంటే రాగి, స్వీట్‌పొటాటో పరాఠాలా చేసుకుని తినొచ్చు. అదెలానో ఇప్పుడు చూద్దాం.

ఈ రోజుల్లో చాలా మంది గుండె జబ్బులతో బాధపడుతున్నారు. పురుషులు, మహిళలు ఇద్దరికీ గుండె జబ్బుల ముప్పు ఉంది. సాధారణంగా మహిళల్లో గుండె జబ్బులు మెనోపాజ్ (రుతుక్రమం ఆగిపోవడం) తర్వాతే వస్తాయని చాలామంది భావిస్తుంటారు. అయితే, ఈ మార్పులు మహిళల 30ల చివర్లోనే (Late 30s) ప్రారంభమవుతున్నట్లు తాజా పరిశోధనలు వెల్లడిస్తున్నాయి.

సుదీర్ఘకాలంగా కొనసాగుతున్న ‘ఫ్రామింగ్‌హామ్ హార్ట్ స్టడీ’ (Framingham Heart Study) లోని 9,500 మందికి పైగా (6,500 మందికి పైగా మహిళలు, 3,000 మంది పురుషులు) డేటాను 14 ఏళ్లపాటు విశ్లేషించి రూపొందించిన ఈ నివేదిక హైపర్‌టెన్షన్ జర్నల్‌లో ప్రచురితమైంది. వయసు పెరిగే కొద్దీ ‘పల్స్ ప్రెజర్’ ఎలా మారుతుందనే విషయాన్ని ఇందులో పరిశీలించారు. మహిళల్లో పల్స్ ప్రెజర్ 37–39 ఏళ్ల వయస్సు నుంచే పెరగడం మొదలవుతుందని అధ్యయనంలో వెల్లడైంది. అంటే మహిళలకు గుండె జబ్బుల ముప్పు మగవారి కన్నా 10 ఏళ్ల ముందు నుంచే ప్రారంభమవుతుంది.

నేటి ఉరుకుల పరుగుల జీవితంలో సరైన ఆహార నియమాలు పాటించకపోవడం, వేళకు తినకపోవడం వల్ల గ్యాస్‌, కడుపులో మంట, అల్సర్‌, మలబద్ధకం వంటి జీర్ణకోశ సమస్యలు చాలా మందిని తీవ్రంగా వేధిస్తున్నాయి. ఇవి ప్రాథమిక సమస్యలుగా అనిపించినప్పటికీ సరైన సమయంలో శ్రద్ధ తీసుకోకపోతే జీవన నాణ్యతను దెబ్బతీసి తీవ్రమైన అనారోగ్యానికి దారితీస్తాయి. అయితే వీటికి ఖరీదైన మందుల కంటే మన వంటగదిలో లభించే సహజసిద్ధమైన ఆహార పదార్థాలు, మూలికలు అద్భుతమైన ఉపశమనాన్ని అందిస్తాయి.

ప్రతిరోజూ మనం తీసుకునే మజ్జిగ, మంచినీళ్లు, పీచుపదార్థాలు ఉన్న పండ్లు, పచ్చని ఆకు కూరలు మన పేగులను శుభ్రపరిచి జీర్ణవ్యవస్థను తిరిగి ఆరోగ్యంగా మారుస్తాయి. అలాగే కడుపులో యాసిడ్లను పెంచే టీ, కాఫీ, పాలు వంటి వాటికి దూరంగా ఉండటం, మానసిక ఒత్తిడి తగ్గించుకోవడం ఈ సమస్యల శాశ్వత పరిష్కారంలో కీలకపాత్ర పోషిస్తాయి. ప్రకృతి ప్రసాదించిన ఈ సహజ సిద్ధమైన చిట్కాలను సరైన పద్ధతిలో పాటించడం ద్వారా ఎలాంటి సైడ్‌ ఎఫెక్ట్స్‌ లేకుండా పొట్టను చల్లగా, ఆరోగ్యంగా ఉంచుకోవచ్చు.