మాదాపూర్ ఓయో హోటల్లో యువతి మృతి కేసులో కీలక మలుపు చోటుచేసుకుంది. ఈ కేసులో అనుమానితుడైన శ్రీనివాస రవితేజ సూసైడ్ చేసుకునేందుకు ప్రయత్నించాడు. అనకాపల్లి జిల్లా పరవాడ మండలం ఏడుమెట్ల మర్రిపాలెంలో ఫ్లోర్‌ క్లీనింగ్‌ లిక్విడ్ తాగి ప్రాణాలు తీసుకునేందుకు ప్రయత్నించాడు. ఇది గమనించిన కుటుంబ సభ్యులు వెంటనే ఆస్పత్రికి తరలించారు. అయితే రవితేజ పరిస్థితి విషమంగా ఉన్నట్టు తెలుస్తుంది. కాగా మాదాపూర్‌లోని సిద్దిఖీనగర్‌, రోడ్‌ నెంబర్ 5లో ఉన్న ఓయో హోటల్ రూమ్‌లో షారోన్‌ నిఖిత అనుమానాస్పద స్థితిలో మృతి చెందింది.

ఏపీ సీఎం చంద్రబాబునాయుడు ఫ్యామిలీతో కలసి విదేశీ పర్యటనకు వెళ్తున్నారు. ఈ నెల 25వ తేదీ నుంచి ప్రారంభమయ్యే ఈ టూర్ ఈ నెల 28 వరకు కొనసాగనుంది. ఇది పూర్తిగా ప్రైవేట్ టూర్ కావడంతో ఆయన ఏ దేశానికి వెళ్తున్నారు, ఎక్కడ బస చేయనున్నారు అనే వివరాలను అధికారులు అత్యంత గోప్యంగా ఉంచారు. కేవలం వ్యక్తిగత సిబ్బంది పర్యవేక్షణలోనే ప్రయాణ ఏర్పాట్లు పూర్తైనట్టు సమాచారం. కాగా సీఎం చంద్రబాబునాయుడు విదేశీ పర్యటన ముగించుకుని ఏపీకి వచ్చిన తర్వాత అంటే 29 నుంచి అక్టోబరు 3 వరకు ఐదు రోజుల పాటు వరుస కార్యక్రమాలు, జిల్లాల పర్యటనలతో బిజీగా ఉండనున్నారు.

Pemmasani On Training And Employment For Guntur District Youth: గుంటూరు జిల్లా యువతకు శుభవార్త. 7,700మందికి శిక్షణ ఇచ్చి ఉద్యోగ అవకాశాలు కల్పిస్తున్నట్లు కేంద్రమంత్రి పెమ్మసాని చంద్రశేఖర్ తెలిపారు. నెలకు రూ.15వేల నుంచి రూ.20 వేల జీతంతో ఉద్యోగాలు ఇస్తామన్నారు. శిక్షణ కూడా పూర్తిగా ఉచితమని.. భోజనం, వసతి, యూనిఫాం, ప్రయాణ ఖర్చులు కూడా ఇస్తారు. అర్హులైనవారు దరఖాస్తు చేసుకోవాలని సూచిస్తున్నారు. ఇటు ఏపీ పోలీసులు కూడా ఔట్‌సోర్సింగ్ ప్రాతిపదికన ఉద్యోగాలను భర్తీ చేస్తోంది.

Ysrcp Leader Kakumanu Rajsekhar Passed Away: వైఎస్సార్‌సీపీ సీనియర్ నేత, ప్రచార విభాగం రాష్ట్ర అధ్యక్షుడు కాకుమాను రాజశేఖర్‌ కన్నుమూశారు. ఆయన హైదరాబాద్‌లోని తన నివాసంలో గుండెపోటుతో మరణించారు. రాజశేఖర్ మరణంపై వైఎస్‌ జగన్‌ దిగ్భ్రాంతి వ్యక్తం చేశారు. రాజశేఖర్ కుటుంబానికి సానుభూతిని తెలియజేశారు. రాజశేఖర్‌ వైఎస్సార్‌సీపీకి అంకితభావంతో పనిచేశారని.. పార్టీ కార్యక్రమాల్లో చురుగ్గా పాల్గొంటున్నారని.. ఆయన మరణం పార్టీకి తీరని లోటని సంతాపాన్ని తెలియజేశారు. రాజశేఖర్ మరణంపై వైఎస్సార్‌సీపీ నేతలు సంతాపాన్ని తెలిపారు.