చట్టపరంగా కుదరకపోతేనేం.. పార్టీ పరంగా న్యాయం చేస్తాం: బీసీల రిజర్వేషన్లపై టీడీపీ కీలక ప్రకటన

స్థానిక ఎన్నికల్లో బీసీల రిజర్వేషన్లపై టీడీపీ వెనక్కి తగ్గేది లేదంటుంది. చట్టపరంగా అమలు చేయలేకపోయినా.. పార్టీ పరంగా అమలు చేస్తామని కీలక ప్రకటన చేసింది. బీసీ రిజర్వేషన్ల అంశంలో తాము కట్టుబడి ఉన్నామని వెల్లడించింది. స్థానిక పోరులో బీసీలకు 34 రిజర్వేషన్లను వైసీపీ కోర్టులకు వెళ్లడం ద్వారా అడ్డుకుందని విమర్శించింది. ఆది నుంచి మేమే బీసీలకు మేలు చేస్తున్నామని టీడీపీ పేర్కొంది. ఎప్పుడూ బీసీలకు టీడీపీ అండగా ఉంటుందని వెల్లడించింది.