హైదరాబాద్‌లో హద్దులు దాటుతున్న శబ్ద కాలుష్యం..హారన్ల మోతతో నగరం ఉక్కిరిబిక్కిరి

హైదరాబాద్‌లో శబ్ద కాలుష్యం ఆందోళనకర స్థాయికి చేరుతోంది. తెలంగాణ కాలుష్య నియంత్రణ మండలి 2026 జనవరి–జులై గణాంకాల ప్రకారం జూబ్లీహిల్స్‌, తార్నాక, జేఎన్‌టీయూ తదితర ప్రాంతాల్లో అనుమతించిన పరిమితులకు మించి శబ్దాలు నమోదయ్యాయి. జూ పార్కు, హైదరాబాద్‌ సెంట్రల్‌ యూనివర్సిటీ వంటి నిశ్శబ్ద ప్రాంతాల్లోనూ నిబంధనలు పాటించటం లేదు. వాహనాల రద్దీ, అనవసర హారన్లు ప్రధాన కారణాలుగా నిపుణులు చెబుతున్నారు. అకౌస్టిక్‌ కెమెరాల ద్వారా ఉల్లంఘనలను గుర్తించే ప్రయత్నం గతంలో ముందుకు సాగలేదు. సమస్య పరిష్కారానికి పర్యవేక్షణ, అవగాహన, కఠిన చర్యలు అవసరమని నిపుణులు చెబుతున్నారు.