మన దేశంలో డయాబెటిస్ వేగంగా విస్తరిస్తోంది. తాజా అధ్యయనాల ప్రకారం దేశంలో 10 కోట్ల మందికి పైగా డయాబెటిస్‌తో బాధపడుతున్నారు. మరో 13.6 కోట్ల మంది ప్రీ డయాబెటిక్‌ స్టేజ్‌లో ఉన్నట్లు అధ్యయనం తెలిపింది. శారీరక శ్రమ తగ్గిపోవడం, చెడు ఆహార అలవాట్లు, అధిక బరువు, లైఫ్‌స్టైల్‌, కుటుంబంలో డయాబెటిస్ చరిత్ర వంటి అంశాలు టైప్-2 డయాబెటిస్ ప్రమాదాన్ని పెంచుతాయి. ప్రారంభ దశలోనే సరైన ఆహార నియమాలు, కొన్ని చిట్కాలు పాటిస్తే డయాబెటిస్‌ను కంట్రోల్‌ చేసుకోవచ్చు.
షుగర్‌ ఉందని తెలిసిన తర్వాత ఆహారం విషయంలో చాలామందికి ఎన్నో సందేహాలు మొదలవుతాయి. ఏం తినాలి, ఏవి తగ్గించాలి ఇంట్లో దొరికే పదార్థాలతో షుగర్‌ను అదుపులో పెట్టుకోవచ్చా అనే ఆలోచన వస్తుంటుంది. షుగర్‌ను కంట్రోల్‌లో ఉంచుకోవడానికి ఇంటి చిట్కాలు ఎలా ఉపయోగపడతాయి, వీటిని ఎలా తీసుకోవాలి, అలాగే ఎలాంటి జాగ్రత్తలు పాటించాలి వంటి విషయాలను ఈ స్టోరీలో వివరంగా తెలుసుకుందాం.
