పంజాబ్ కింగ్స్‌కు బిగ్ షాక్.. సపోర్ట్ స్టాఫ్‌ను వీడిన ఇద్దరు ఆస్ట్రేలియా దిగ్గజాలు!

ఐపిఎల్ 2027 టోర్నీకి ముందే పంజాబ్ కింగ్స్ ఫ్రాంచైజీకి గట్టి షాక్ తగిలింది. హెడ్ కోచ్ రికీ పాంటింగ్ నేతృత్వంలోని సపోర్ట్ స్టాఫ్ నుంచి ఫాస్ట్ బౌలింగ్ కోచ్ జేమ్స్ హోప్స్, ఫీల్డింగ్ కోచ్ బ్రాడ్ హాడిన్ రాజీనామా చేశారు. ఇప్పటికే స్పిన్ కోచ్ సాయిరాజ్ బహుతులే టీమిండియా కోచింగ్ బృందంలో చేరేందుకు వైదొలిగిన సంగతి తెలిసిందే. దీంతో ఈ ముగ్గురి స్థానాలను భర్తీ చేసేందుకు డిసెంబర్‌లో జరిగే వేలానికి ముందే కొత్త కోచ్‌లను ఎంపిక చేసే బాధ్యతను పంజాబ్ యజమాన్యం పాంటింగ్‌కే అప్పగించింది.