దొంగతనం కేసులున్నా ఆర్మీ ఉద్యోగం.. బొల్లారం ఆయుధాల చోరీ కేసు నిందితుడు మల్లేష్‌ కేసులో ట్విస్ట్‌

బొల్లారం మద్రాస్‌ రెజిమెంట్‌ ఆయుధాల చోరీ కేసులో నిందితుడు మల్లేశ్‌ను కస్టడీలోకి తీసుకుని పోలీసులు జరిపిన విచారణలో కీలక విషయాలు వెలుగులోకి వచ్చాయి. మల్లేశ్‌కు ఆర్మీలో చేరకముందే దొంగతనం కేసులు ఉన్నట్లు వెలుగులోకి రావడంతో అతని నియామకంపై కూడా విచారణ జరుగుతోంది.ఆర్థిక ఇబ్బందులు, ఆర్మీలో ఎదురైన క్రమశిక్షణ చర్యల నేపథ్యంలో చోరీకి పథకం వేసినట్లు పోలీసులు చెబుతున్నారు. ఆయుధాగారం భద్రతపై ముందుగానే సమాచారం సేకరించి.. కొందరు ఆర్మీ సిబ్బంది సహకారంతో చోరీకి పాల్పడినట్లు దర్యాప్తులో తేలిందని పేర్కొన్నారు.