‘డర్టీ పిక్చర్ 2’ మూవీని అనౌన్స్ చేసిన ఏక్తా కపూర్.. తెరపైకి మరో నటి కన్నీటి గాథ

2011లో సంచలన విజయం సాధించిన ‘ది డర్టీ పిక్చర్’ చిత్రానికి సీక్వెల్ రాబోతోంది. నిర్మాత ఏక్తా కపూర్ ఓ పాడ్‌క్యాస్ట్‌లో ఈ విషయాన్ని అధికారికంగా ధ్రువీకరించారు. 15 ఏళ్ల తర్వాత ఈ ఫ్రాంచైజీలో మరో మహిళ ఎదుర్కొన్న సవాళ్లు, సినీ ఇండస్ట్రీలోని చీకటి కోణాల నేపథ్యంలో తెరకెక్కించేందుకు సరైన కథ సిద్ధమైందని, త్వరలోనే ఈ ప్రాజెక్ట్ ప్రారంభం కానుందని ఆమె తెలిపారు. దివంగత నటి సిల్క్ స్మిత జీవిత కథ ఆధారంగా విద్యా బాలన్ ప్రధాన పాత్రలో ‘ది డర్టీ పిక్చర్’ రూపొందింది.