చేపలు కొనేటప్పుడు ఏవి పడితే కొనొద్దు, తాజా చేపల్ని ఎలా గుర్తించాలంటే

మార్కెట్లోకి అడుగుపెట్టగానే కూరగాయలన్నీ ఒకవైపు ఉంటే చేపలు అమ్మే ప్రదేశం మరోవైపు ఉంటుంది. కారణం కాస్తా వాసనలు వస్తుంటాయి. ఇవి అందరికీ నచ్చవు. ఒక్కోసారి తినేవారికి కూడా ఆ వాసనలు పడకపోవచ్చు. దీంతో అక్కడికి వెళ్లి అక్కడ ఎక్కువ సమయం ఉండడం కంటే అమ్మేవారు ఇచ్చే చేపల్ని రేటు మాట్లాడి తీసుకొస్తుంటారు. మరి అవి మంచివా కాదా ఎలా తెలుసుకోవాలని ఆలోచించరు. ఏ చేపలైనా ఒకటేగా అనుకుంటారు. కానీ, అస్సలు కాదు. తాజా చేపలు, కుళ్ళిన చేపలకి చాలా తేడా ఉంటుంది. తాజా చేపల బదులు కుళ్ళినవి వండుకుంటే నోటికే కాదు, ఆరోగ్యానికి కూడా అస్సలు మంచివి కాదు. అలాంటప్పుడు మరి తాజా చేపల్ని ఎలా గుర్తించాలి. తాజా చేపల్ని కనుక్కోవాలంటే ఏం చేయాలి. ఎలాంటి విషయాలని గమనిస్తే చేపలు తాజాగా ఉన్నాయో ఎలా గుర్తించాలో తెలుసుకోండి.