ఉద్యోగుల తొలగింపులో ఏఐ వినియోగం పూర్తిగా నిషేధం.. కాలిఫోర్నియా గవర్నర్ సంచలన చట్టం

ప్రపంచవ్యాప్తంగా అన్ని రంగాల్లోనూ ఏఐ వినియోగం విపరీతంగా పెరిగిపోయింది. సంస్థలు తమ ఉద్యోగులను తొలగింపునకు ఏఐ వ్యవస్థలను వినియోగించడం పట్ల తీవ్ర ఆందోళనలు వ్యక్తమవుతున్నాయి. ఈ నేపథ్యంలో అమెరికాలోని కాలిఫోర్నియా రాష్ట్రం ఓ సంచలన నిర్ణయం తీసుకుంది. తమ రాష్ట్రంలోని సంస్థలు.. ఉద్యోగుల తొలగింపునకు ఏఐను వాడకుండా నిషేధించింది. తప్పనిసరిగా మానవ పర్యవేక్షణ, పరిశీలన తర్వాతే తొలగించాలని తాజాగా తీసుకొచ్చిన చట్టంలో స్పష్టంగా పేర్కొంది. దీంతో ఉద్యోగ, కార్మిక సంఘాలు హర్షం వ్యక్తం చేస్తున్నాయి.