మెగాస్టార్ చిరంజీవి కుమార్తె సుస్మితకు పదవి.. విజయవాడ దుర్గ గుడి పాలకమండలి ప్రత్యేక ఆహ్వానితురాలిగా నియామకం

Sushmita Konidela As Vijayawada Temple Trust Board Special Invitee: మెగాస్టార్ చిరంజీవి కుమార్తె, సినీ నిర్మాత సుస్మిత కొణిదెలకు ఏపీలో కీలక పదవి దక్కింది. విజయవాడ ఇంద్రకీలాద్రిపై కొలువైన శ్రీ దుర్గామల్లేశ్వర స్వామి వార్ల దేవస్థానం ట్రస్ట్ బోర్డుకు ప్రత్యేక ఆహ్వానితురాలిగా నియ‌మితుల‌య్యారు. ఈ మేరకు దేవాదాయ శాఖ కార్యదర్శి కన్నబాబు ఉత్తర్వులు జారీ చేశారు. ఆమె త్వరలోనే విజయవాడ దుర్గమ్మ ఆలయంలో పాలకమండలి ప్రత్యేక ఆహ్వానితురాలిగా బాధ్యతలు స్వీకరించనున్నారు.