నాయినమ్మ మృతి.. అంత్యక్రియల్లో పాల్గొనేందుకు అభిజీత్ దీప్కేకి ఢిల్లీ పోలీసులు ఆఫర్.. హాజరవుతారా? లేదా?

సీజేపీ వ్యవస్థాపకుడు అభిజీత్‌ దీప్కే నానమ్మ సావిత్రి బాయి శనివారం ఉదయం కన్నుమూశారు. 85 ఏళ్ల వయసున్న ఆమె కొంతకాలంగా అనారోగ్యంతో బాధపడుతున్నారు. మహారాష్ట్రలోని హింగోలి జిల్లాలో తన స్వగ్రామం సంతుక్ పింప్రిలో మృతి చెందారు. ఈ మరణవార్తను దీప్కేకు చేరవేసిన ఢిల్లీ పోలీసులు.. ఆయన అంత్యక్రియల్లో పాల్గొనడానికి సాయం చేస్తామని తెలిపారు. అయితే, వెళ్లాలా? వద్దా? అనేది దీప్కే నిర్ణయంపైనే ఆధారపడి ఉంటుంది. ఈ విషయమై ఇప్పటి వరకూ స్పష్టత లేదు.