తిరిగి పార్టీలోకి రండి.. వైఎస్ జగన్ సహా కాంగ్రెస్‌ను వీడిన నేతలకు భట్టి విక్రమార్క రిక్వెస్ట్

కాంగ్రెస్‌ను వీడి ఇతర పార్టీలు స్థాపించిన వారు, వెళ్లిన వారు తిరిగి హస్తం పార్టీలో చేరాలని డిప్యూటీ సీఎం భట్టి విక్రమార్క పిలుపునిచ్చారు. దేశవ్యాప్తంగా కాంగ్రెస్‌ను వీడిన నాయకులు తిరిగి వచ్చి పార్టీ సిద్ధాంతాలను ముందుకు తీసుకెళ్లాలని కోరారు. ఈ క్రమంలోనే ఏపీ మాజీ సీఎం వైఎస్ జగన్, శరద్ పవార్, మమతా బెనర్జీలకు విజ్ఞప్తి చేశారు. తాను వైఎస్సార్‌తో కలిసి పనిచేశానని.. జగన్‌తో మాత్రం పనిచేయలేదని చెప్పారు. ఇక.. ఎస్ఐఆర్ విషయంలో ఎన్నికల సంఘంపై విమర్శలు గుప్పించిన భట్టి.. సీఈసీ జ్ఞానేశ్ కుమార్ రాజీనామా చేయాలని డిమాండ్ చేశారు.