అమెరికాలో లక్షల జీతం వచ్చే ఉద్యోగాన్ని వదిలేసి కుటుంబం కోసం ఇండియాకు వచ్చేసిన భారతీయ యువతి

అమెరికాలో ఉన్నత విద్య, తర్వాత మంచి జీతంతో ఉద్యోగం. ఇది ప్రపంచంలో చాలా మంది యువత కనే కల. కానీ, ఓ యువతి మాత్రం ఆరంకెల జీతం వచ్చే ఉద్యోగాన్ని వదిలేసి, ఇండియాకు వచ్చేసింది. అక్కడ జీతం, విలాసవంతమైన జీవితం ఉన్నా.. సాయంత్రమైతే పలకరించేవారు ఉండరని, ఈ రోజు ఎలా గడిచింది? అని అడిగే వ్యక్తి కనపించరని అది తనను ఎంతో వేదనకు గురిచేసిందని ఆమె అన్నారు. అందుకే సొంత దేశం వచ్చేయాలని నిర్ణయించుకున్నానని ఆమె వివరించారు. ఆమె గురుగ్రామ్‌కు చెందిన దిశ లంబ.