మన కళ్లెదుటే మనకు బాగా కావాల్సిన వ్యక్తి ఛాతీ పట్టుకుని, ముఖం పాలిపోయి ఒక్కసారిగా కుప్పకూలిపోతే ఆ సీన్‌ను ఊహించుకోవడమే భయానకం. గుండెపోటు (Heart Attack) వచ్చినప్పుడు గడిచే ప్రతి సెకను ఎంతో విలువైనది. అయితే సరైన సమయంలో స్పందిస్తే వారి ప్రాణాల్ని ఖచ్చితంగా కాపాడుకోవచ్చు. ఆసుపత్రికి వెళ్లాక వైద్యులు చికిత్స అందించినప్పటికీ, హాస్పిటల్‌కి చేరేలోపు మొదటి గంటలో (గోల్డెన్ అవర్) మనం అందించే ప్రథమ చికిత్స ప్రాణాల్ని నిలబెట్టడంలో కీలక పాత్ర పోషిస్తుంది.
కార్డియాక్ అరెస్ట్ రిజిస్ట్రీ (CARES) నివేదిక ప్రకారం, గుండె ఆగిపోయిన వెంటనే CPR (కార్డియో పల్మనరీ రిససిటేషన్) చేయడం వల్ల బాధితుడు బతికే అవకాశాలు రెండు నుంచి మూడు రెట్లు పెరుగుతాయి. గుండెపోటు వచ్చిన తర్వాత మొదటి గంట ఎందుకు ముఖ్యం? మొదటి గంటలో చేయాల్సిన పనులు గురించి డాక్టర్ దేబ్దత్త మజుందార్ (సీనియర్ కన్సల్టెంట్ – ఇంటర్వెన్షనల్ కార్డియాలజీ, నారాయణ ఆర్.ఎన్. ఠాగూర్ హాస్పిటల్, ముకుందాపూర్, కోల్‌కతా) పూర్తి వివరాలు అందించారు.
