Pregnancy EDD: 9 నెలలా లేక 40 వారాలా? అసలు లెక్క ఎలా వేస్తారో క్లియర్‌గా చెప్పిన డాక్టర్

గర్భం దాల్చిన మొదటి 8–12 వారాల్లో చేసే అల్ట్రాసౌండ్ స్కాన్ ద్వారా డ్యూ డేట్‌ను చాలా కచ్చితంగా లెక్కించవచ్చు. క్రమం తప్పిన పీరియడ్స్ ఉన్నవారికి ఇది చాలా ముఖ్యం. లేకపోతే డ్యూ డేట్ లెక్క తప్పి, సాధారణ ప్రెగ్నెన్సీని కూడా తప్పుగా ‘గడువు దాటింది’ అని భావించే ప్రమాదం ఉంటుంది. గర్భం 28 వారాలు దాటినప్పటి నుండి బిడ్డ కదలికలపై నిఘా ఉంచాలి. ముఖ్యంగా భోజనం చేసిన తర్వాత లేదా విశ్రాంతి తీసుకునే సమయంలో 2 గంటల్లో కనీసం 10 కదలికలు ఉండేలా చూసుకోవాలి. కదలికలు తగ్గినా లేదా ఏమాత్రం తేడాగా అనిపించినా డాక్టర్‌ను సంప్రదించాలి.