కిర్గిజిస్థాన్‌లో జరుగుతోన్న షాంఘై సహకార సంస్థ 26 వ శిఖరాగ్ర సదస్సుకు ప్రధాని నరేంద్ర మోదీ, చైనా, రష్యా అధ్యక్షులు సహా ప్రపంచ దేశాధినేతలు హాజరయ్యారు. ఈ సదస్సును ఉద్దేశించి ప్రసంగించిన మోదీ.. ఉగ్రవాదం విషయంలో పాకిస్థాన్‌కు చురకలు అంటించారు. ద్వంద్వ వైఖరి వీడాలని పిలుపునిచ్చిన ఆయన.. దాని వ్యవస్థను సమూలంగా కూల్చివేయాలని సూచించారు. పాక్ ప్రధాని ఎదురుగానే మోదీ ఈ వ్యాఖ్యలు చేశారు. అలాగే, భారత్ విజన్‌ను కూడా ప్రకటించారు.

అమెరికాలోని కాలిఫోర్నియా రాష్ట్రం మిల్పిటాస్‌లో కేరళకు చెందిన ఇద్దరు మహిళా ఉపాధ్యాయులు అంజన హరి, అన్ మేరీ మాథ్యూలు దారుణ హత్యకు గురయ్యారు. అయితే వీరితో కలిసి ఒకే ఇంట్లో నివాసం ఉండే మరో మహిళనే ఈ హత్యలు చేసినట్లు గుర్తించిన పోలీసులు… ఆమెను అదుపులోకి తీసుకున్నారు. హత్యలు చేయడానికి కొన్ని రోజుల ముందే వీరు ముగ్గురూ కలిసి సంతోషంగా ఓనం పండుగ జరుపుకోవడం.. కొన్నిరోజుల్లోనే ఇంత దారుణానికి ఒడిగట్టడాన్ని మృతుల కుటుంబాలు జీర్ణించుకోలేకపోతున్నారు.

గోవా నుంచి ఢిల్లీకి బయలుదేరిన ఇండిగో విమానంలో గాల్లో ఉండగా ఇంజిన్ ఫెయిల్యూర్ కావడం తీవ్ర కలకలం సృష్టించింది. టేకాఫ్ అయిన కొద్దిసేపటికే సాంకేతిక లోపాన్ని గుర్తించిన పైలట్లు ఎయిర్ ట్రాఫిక్ కంట్రోల్‌కు సమాచారం అందించి విమానాన్ని యూటర్న్ తీసుకుని వెనక్కి మళ్లించారు. గోవాలోని మనోహర్ అంతర్జాతీయ విమానాశ్రయంలో అధికారులు ఫుల్ ఎమర్జెన్సీ ప్రకటించగా.. పైలట్లు 220 మంది ప్రయాణికులతో విమానాన్ని అత్యవసరంగా సురక్షితంగా ల్యాండ్ చేయడంతో అందరూ ఊపిరి పీల్చుకున్నారు.