కాకరకాయ చేదుగా ఉందని కొంతమందికి అనిపించినా, ఈ కూరకి ఫ్యాన్ బేస్ కూడా అంతే ఉంటుంది. దీనిలోని అద్భుత ఆరోగ్య ప్రయోజనాల కారణంగా కొంతమంది తింటే.. రకరకాలుగా వండుకుని దానిలోని చేదు పోగొట్టుకుని మరికొంతమంది తింటారు. మరికొంతమంది మాత్రం కావాలని చేదు తినాలని తింటారు. దీనికి కారణం లేకపోలేదు. ఎందుకంటే చేదుగా ఉన్న కూరని తింటే షుగర్ వంటి సమస్యలు తగ్గుతాయి. వీటితో మరిన్నీ ప్రయోజనాలు కూడా ఉన్నాయి.
ఇన్ని బెనిఫిట్స్ ఉన్నప్పటికీ కాకరకాయని తినడానికి కొంతమంది ఇష్టపడరు. ఎందుకంటే ఇందులోని చేదుతనం. ఆ చేదుని తగ్గించి చక్కగా వండుకోవాలంటే కొన్ని చిట్కాలు ఫాలో అవ్వాలి. కొంతమంది అందులో పులుపు, తీపి వేసి బ్యాలెన్స్ చేస్తారు. అలాంటి వాటిలో ఒక చిట్కానే పుల్లని మజ్జిగ కలపడం. మజ్జిగని కలిపితే కూరలో చేదు తగ్గడమే కాకుండా రుచి పెరుగుతుంది.