రకరకాల ఆహరపదార్థాలు తిన్నా కూడా అన్నం తింటేనే కానీ, కడుపు నిండిన ఫీలింగ్‌ రాదు కొందరికి. ముఖ్యంగా దక్షిణ భారతీయలకు ప్రతి రోజూ భోజనంలో అన్నం ఉండాల్సిందే. పప్పు, కూర, పులుసు, పెరుగు.. ఇలా రకరకాల వంటలతో అన్నాన్ని ఎంజాయ్‌ చేస్తూ ఉంటారు. ఇంట్లో రోజూ అన్నం వండుతున్నా.. బియ్యం కొనేటప్పుడు మాత్రం చాలామందికి ఎన్నో సందేహాలు వస్తుంటాయి. సన్నగా, పొడవుగా కనిపించే బియ్యం ఒకవైపు.. కొద్దిగా భిన్నమైన రంగు, ఆకృతితో కనిపించే స్టీమ్‌ బియ్యం మరోవైపు.
రుచి, వాసన, అన్నం మెత్తగా ఉండటం, గింజలు విడివిడిగా రావడం.. ఇలా ఒక్కో బియ్యానికి ఒక్కో ప్రత్యేకత ఉంటుంది. అందుకే కొందరు సన్న బియ్యాన్నే ఇష్టపడితే, మరికొందరు స్టీమ్‌ బియ్యాన్ని ఎక్కువగా ఉపయోగిస్తారు. అయితే ఈ రెండు రకాల బియ్యాన్ని తయారు చేసే విధానంలోనే అసలు తేడా ఉందా? వాటి పోషక విలువల్లో ఎంత మార్పు ఉంటుంది? అనే విషయం చాలామందికి పూర్తిగా తెలియదు. మరి సన్న బియ్యం, స్టీమ్‌ బియ్యం మధ్య ఉన్న అసలు తేడాలు ఏమిటో ఇప్పుడు తెలుసుకుందాం..
