నర్సింగ్‌ విద్యార్థిని హరిణిని చంపింది ప్రియుడే.. మెడకు బైక్‌ క్లచ్‌ వైరు బిగించి దారుణహత్య

కొత్తగూడెం జిల్లాలో 18 ఏళ్ల బీఎస్సీ నర్సింగ్ విద్యార్థిని ఇంద్రపల్లి హరిణి హత్య కేసు మిస్టరీ వీడింది. ఇంటి వద్ద అనుమానాస్పదంగా మృతిచెందిన హరిణిని అదే గ్రామానికి చెందిన దేవరకొండ పవన్ కుమార్ హత్య చేసినట్లు పోలీసులు తేల్చారు. పెళ్లికి అంగీకరించలేదన్న కోపంతో ఆమెపై దాడి చేసి.. బైక్ క్లచ్ వైరుతో గొంతు బిగించి హత్య చేసినట్లు దర్యాప్తులో వెల్లడైంది. పోస్టుమార్టం రిపోర్ట్‌తో ఇది హత్యగా నిర్ధారణ కావడంతో పోలీసులు కేసును దర్యాప్తు చేపట్టారు. పరారీలో ఉన్న పవన్‌ను సీతారామ ప్రాజెక్టు కాల్వ సమీపంలో అరెస్ట్ చేశారు.