నిరుద్యోగులకు TGPSC బిగ్ అలర్ట్.. పరీక్షల షెడ్యూల్ విడుదల, త్వరలోనే హాల్ టికెట్లు

ప్రభుత్వ ఉద్యోగాలకు సిద్ధమవుతున్న అభ్యర్థులకు టీజీపీఎస్సీ కీలక ప్రకటన చేసింది. వివిధ శాఖల్లో ఉద్యోగాల భర్తీకి గతంలో విడుదల చేసిన నోటిఫికేషన్లకు సంబంధించిన 4 నియామక పరీక్షల షెడ్యూల్‌ను ప్రకటించింది. తెలంగాణ పొల్యూషన్ కంట్రోల్ బోర్డులో అసిస్టెంట్ సైంటిస్ట్ పరీక్ష అక్టోబర్ 24న.. అసిస్టెంట్ ఎన్విరాన్‌మెంటల్ ఇంజినీర్ పరీక్ష అక్టోబర్ 26న జరగనుంది. రోడ్లు, భవనాల శాఖలో ఏఈఈ (సివిల్) పరీక్షలు నవంబర్ 6, 7 తేదీల్లో.. పాఠశాల విద్యాశాఖలో డీఈఓ, గెజిటెడ్ హెడ్ మాస్టర్ గ్రేడ్-I పరీక్షలు నవంబర్ 12, 13 తేదీల్లో నిర్వహించనున్నారు.