శరీరంలో ముఖ్యమైన అవయవాల్లో లివర్ అదేనండీ కాలేయం ఒకటి. శరీరంలో ఎక్కువగా కష్టపడి పనిచేసేది కూడా లివరే. కాలేయం రక్తం నుంచి వ్యర్థాలు, టాక్సిన్లు బయటక పంపడం, జీర్ణక్రియకు తోడ్పడే పిత్తరసాన్ని విడుదల చేయడం, విటమిన్లు, ఖనిజాల్ని నిల్వ ఉంచడం వంటి ఎన్నో కీలక పనుల్ని నిర్వరిస్తుంది. సాధారణంగా కాలేయం తనను తాను స్వయంగా శుభ్రపరుచుకునే (Self-cleaning) సామర్థ్యాన్ని కలిగి ఉంటుంది.
అయినప్పటికీ, సమతుల్య ఆహారం (Balanced Diet) తీసుకోవడం ద్వారా కాలేయ పనితీరును మరింత మెరుగుపరచవచ్చు. ఫ్యాటీ లివర్ వంటి సమస్యల నుంచి రక్షించుకోవచ్చు. ముఖ్యంగా పండ్లు, కూరగాయలు, ఆరోగ్యకరమైన కొవ్వులు, లీన్ ప్రొటీన్లు ఉండే మెడిటరేనియన్ తరహా ఆహారపు అలవాట్లు కాలేయానికి ఎంతో మేలు చేస్తాయి. లివర్ సమస్యల నుంచి కాపాడేందుకు తినాల్సిన వెజ్ ఆహారాల గురించి డాక్టర్ రమాకాంత్ రెడ్డి ఎ (కన్సల్టెంట్ – మెడికల్ గ్యాస్ట్రోఎంటరాలజీ, గ్లెనెగల్స్ అవేర్ హాస్పిటల్ (ఫోర్టిస్ హెల్త్‌కేర్ నెట్‌వర్క్), ఎల్.బి. నగర్, హైదరాబాద్) వివరించారు. ఆ ఫుడ్స్ ఏంటో ఓ లుక్కేద్దాం.
