వర్షాకాలంలో ఎక్కువగా వచ్చే హెపటైటిస్ లక్షణాలు ఏంటి, సీజనల్ ఇన్ఫెక్షన్స్ నుంచి మనల్ని మనం ఎలా కాపాడుకోవాలి

వర్షాకాలంలో వచ్చే ఎన్నో ఇన్ఫెక్షన్స్ ఒకదానితో ఒకటి ముడిపడి ఉంటాయి. ఈ సీజన్‌లో వర్షపు నీరు, తేమ కారణంగా కూడా సమస్యలొస్తాయి. దీంతో కేవలం లక్షణాలను బట్టి ఓ వ్యాధిని గుర్తించలేం. అలానే సొంత వైద్యం కూడా చేస్తూ కాలం గడపొద్దు. ఎందుకంటే లక్షణాలు పెరిగే కొద్దీ మనం ముందుగానే అలర్ట్ అయి కారణాన్ని, సమస్యని గుర్తించి సరైన టైమ్‌కి సరైన ట్రీట్‌మెంట్ తీసుకోవాలి. ఈ వర్షాకాలంలో వర్షపునీటితో కాలువలు, చెరువులు పొంగి నీరు కలుషితమవ్వడం వల్ల టైఫాయిడ్, కలరా, గ్యాస్ట్రోఎంటరైటిస్, హెపటైటిటస్ ఎ, ఈ వంటి సమస్యలకి కారణమవుతాయని అధ్యయనాలు చెబుతున్నాయి. ఇవి మొదట్లో చిన్న సమస్యల్లానే కనిపించినా రాన్రాను ప్రమాదకర సమస్యలుగా మారతాయి. మరి ఎలాంటి జాగ్రత్తలు తీసుకుంటే ఈ సమస్యల నుంచి మనల్ని మనం కాపాడుకోవచ్చు. అసలు ప్రమాదకరంగా మారే సమస్యలు ఏంటో కూడా తెలుసుకుందాం.