తెలంగాణ టీజీ ఐపాస్‌పై సైబర్ దాడి.. సర్వర్‌ హ్యాక్‌‌చేసిన కేటుగాళ్లు.. నిలిచిపోయిన సేవలు

తెలంగాణ ప్రభుత్వానికి చెందిన ప్రతిష్టాత్మక సింగిల్ విండో ఆమోద పోర్టల్ ‘టీజీ-ఐపాస్’ రాన్సమ్‌వేర్ సైబర్ దాడికి గురైంది. దీనితో వ్యవస్థ స్తంభించిపోగా, నివేదికలు డాటాబేస్ ఎన్‌క్రిప్ట్ (లాక్) అయినట్లు చూపిస్తున్నాయి. ఈ భద్రతా ఉల్లంఘనపై తెలంగాణ సైబర్ సెక్యూరిటీ బ్యూరో దర్యాప్తును ప్రారంభించింది. హ్యాకర్లు నేరుగా డబ్బులు ఏవీ డిమాండ్ చేయలేదు, కేవలం సంప్రదించడానికి ఒక ఈ-మెయిల్ ఐడీ మాత్రమే ఇచ్చారని అధికారులు పేర్కొన్నారు. దీనిపై దర్యాప్తు కొనసాగుతోందని తెలిపారు.