జైశ్రీరాం వడ్లకు రికార్డు ధర.. క్వింటాల్‌ రూ.5,016, బియ్యం మార్కెట్‌లో పెరుగుతున్న ఆందోళన

మహబూబాబాద్‌ జిల్లా కేసముద్రం మార్కెట్‌లో జైశ్రీరాం రకం వడ్లు రికార్డు ధర పలికాయి. క్వింటాల్‌కు రూ.5,016 ధర పలికి రికార్డు సృష్టించాయి. ఈ-నామ్‌ వేలంలో విక్రయించిన ఐదు బస్తాల ధాన్యానికి ఈ ధర లభించింది. ఆర్‌ఎన్‌ఆర్‌ వడ్లు, మొక్కజొన్న, పత్తి, కందులు, పెసర్లకూ మంచి ధరలు నమోదయ్యాయి. మరోవైపు, బహిరంగ మార్కెట్‌లో సన్నబియ్యం కిలో రూ.90 నుంచి రూ.100 వరకు పలుకుతుండటంతో ధరల పెరుగుదలపై ఆందోళన వ్యక్తమవుతోంది. ధాన్యం ధరల పెరుగుదల బియ్యం ధరలపై ప్రభావం చూపుతుందని నిపుణులు చెబుతున్నారు.