సీఈసీ జ్ఞానేష్ కుమార్‌కు భద్రత పెంపు.. జెడ్ ప్లస్ సెక్యూరిటీ మరింత పటిష్టం: ‘SIR’ నిరసనల వేళ సర్కారు నిర్ణయం

ఓటర్ల జాబితా ప్రత్యేక సమగ్ర సవరణ (SIR) వివాదంపై ప్రతిపక్షాల నిరసనలు మిన్నంటిన వేళ.. కేంద్ర ఎన్నికల ప్రధాన కమిషనర్ జ్ఞానేష్ కుమార్ భద్రతను అధికారులు పటిష్టం చేశారు. ఢిల్లీలోని ఆయన నివాసం, ఆగ్రాలోని కుటుంబ సభ్యుల ఇల్లు, ఎన్నికల సంఘం కార్యాలయం వద్ద ఆందోళనలు జరగడంతో భద్రతా అంచనా ఆధారంగా ఆయనకున్న ‘జెడ్ ప్లస్’ సెక్యూరిటీని మరింతగా పెంచుతూ… అదనపు బలగాలను కేటాయించారు. దీంతో ఇప్పుడు ఆయన కట్టుదిట్టమైన భద్రత నడుమే తన పనులు చేస్కుంటున్నారు.