రేవంత్‌కు చెమటలు పట్టిస్తాం.. సిరిసిల్ల సభకు కౌంటర్‌గా కొడంగల్‌లో బీఆర్ఎస్ సభ: మాజీమంత్రి తలసాని

సిరిసిల్లలో సీఎం రేవంత్‌రెడ్డి నిర్వహించిన సభకు కౌంటర్‌గా కొడంగల్‌లో బీఆర్‌ఎస్ భారీ సభ నిర్వహించనున్నట్లు మాజీమంత్రి తలసాని శ్రీనివాస్ యాదవ్ ప్రకటించారు. సిద్దిపేటలో సీఎం సభ తర్వాత కొడంగల్‌లో తమ పార్టీ సభ ఉంటుందని ఆయన తెలిపారు. కొడంగల్ సభతో రేవంత్‌రెడ్డికి చెమటలు పట్టిస్తామని వ్యాఖ్యానించారు. సిరిసిల్లలో బలప్రదర్శన అవసరం లేదని విమర్శించారు. ఇదే సమయంలో ఖైరతాబాద్ ఉపఎన్నికపై కూడా తలసాని స్పందిస్తూ బీఆర్‌ఎస్ విజయం సాధిస్తుందని ధీమా వ్యక్తం చేశారు.