మరోసారి వాతావరణ హెచ్చరిక: అక్టోబర్ 13 నాటికి అల్పపీడనం.. వాయుగుండంగా బలపడే అవకాశం

వర్షాలు లేక ఇబ్బందులు ఎదుర్కొంటున్న ఏపీ వాతావరణానికి సంబంధించిన ఒక వార్త వచ్చింది. బంగాళాఖాతంలో మరో అల్పపీడనం ఏర్పడనుందని, ఇది వాయుగుండంగా బలపడే అవకాశం ఉందని రాష్ట్ర విపత్తుల నిర్వహణ సంస్థ తెలిపింది.అధికారులు చెప్పిన ప్రకారం అక్టోబర్ 12వ తేదీన ఉపరితల ఆవర్తనం ఏర్పడి, దాని ప్రభావంతో అక్టోబర్ 13 నాటికి అదే ప్రాంతంలో అల్పపీడనంగా బలపడనుంది. అక్టోబర్ 15 నాటికి వాయుగుండంగా మారే అవకాశం కూడా ఉందని సంబంధిత అధికారులు తెలియజేశారు.