పురిటి నొప్పులు భరిస్తూ.. 8 కిలో మీటర్లు డోలీలో గర్భిణీ నరకయాతన..!

అల్లూరి సీతారామరాజు జిల్లా గూడెం కొత్త వీధి మండలంలో హృదయ విదారకమైన ఘటన చోటుచేసుకుంది. అమ్మవారి ధారకొండ పంచాయతీ తడకపల్లి గ్రామానికి చెందిన కొర్రా మంగరాజు భార్య డామిని (27) నిండు గర్భిణిని వారి కుటుంబ సభ్యులు డోలీలో మోసుకుంటూ ఆస్పత్రికి తరలించారు. ఆ డోలీలో ఆమె 8 కిలోమీటర్ల పాటు నొప్పులను భరిస్తూనే ఉంది. శ్యామగెడ్డకు చేరుకున్న తర్వాత అక్కడ జీపులో చింతపల్లి ప్రాంతీయ ఆస్పత్రికి ఆమెను తరలించారు. అక్కడ ఆడపిల్లకి ఆమె జన్మనిచ్చింది. ఈ ఘటన ఎంతోమందిని కలచివేస్తుంది.