తుమ్మిడిహెట్టి బ్యారేజీపై రేవంత్ కీలక చర్చలు.. మహారాష్ట్రను ఒప్పించాలంటూ కేంద్రానికి విజ్ఞప్తి!

రాష్ట్రంలో సాగునీటి ప్రాజెక్టులకు సంబంధించిన పెండింగ్ అనుమతులపై సీఎం రేవంత్ రెడ్డి కేంద్రం దృష్టికి తీసుకెళ్లారు. ఢిల్లీలో కేంద్ర జలశక్తి మంత్రి సీఆర్ పాటిల్‌తో మంత్రి ఉత్తమ్ కుమార్ రెడ్డితో కలిసి సీఎం సమావేశమయ్యారు. ముఖ్యంగా తుమ్మిడిహెట్టి బ్యారేజీ నిర్మాణానికి మహారాష్ట్రను ఒప్పించి త్వరగా అనుమతులు వచ్చేలా చొరవ తీసుకోవాలని కోరారు. బ్యారేజీని ఎఫ్‌ఆర్‌ఎల్ +152 మీటర్ల స్థాయిలో నిర్మిస్తే ఎల్లంపల్లికి గ్రావిటీ ద్వారా నీటిని తరలించవచ్చని పేర్కొన్నారు.