‘తిరంగా మార్చ్‌ చేయొద్దు’.. అభిజీత్‌ దీప్కే ఇంటికి ఢిల్లీ పోలీసులు.. జాతీయ జెండా నిరసనపై ఉత్కంఠ!

జాతీయ జెండాతో నిరసన చేపట్టాలన్న సీజేపీ పిలుపు నేపథ్యంలో అభిజీత్‌ దీప్కే ఇంటికి ఢిల్లీ పోలీసులు వెళ్లారు. అనుమతి లేని ర్యాలీ నిర్వహించవద్దని సూచించారు. కనాట్‌ ప్లేస్‌లోని సెంట్రల్‌ పార్క్‌ను 2 రోజులు మూసివేస్తున్నట్లు అధికారులు ప్రకటించారు. జంతర్‌ మంతర్‌ వద్ద నిరసన తెలిపిన సీజేపీ సభ్యులు సౌరవ్‌ దాస్‌, ఆశుతోష్‌ రంకాలను అదుపులోకి తీసుకుని 5 రోజుల న్యాయ కస్టడీకి పంపించారు. మరోవైపు.. ఎన్నికల కమిషన్‌ వ్యవహారంపై తమ నిరసన కొనసాగుతుందని అభిజీత్ దీప్కే ప్రకటించారు. ముంబై ఆజాద్‌ మైదాన్‌లోనూ సీజేపీ నిరసనకు పిలుపునిచ్చింది.