కేసీఆర్, రేవంత్ కుటుంబాల ఆస్తులపై విచారణ జరపండి.. హైకోర్టు చీఫ్ జస్టిస్‌కు రఘునందన్‌రావు లేఖ

సీఎం రేవంత్ రెడ్డి ఫ్యామిలీ, మాజీ సీఎం కేసీఆర్ ఫ్యామిలీలకు సంబంధించిన ఆస్తులపై సమగ్ర విచారణ జరిపించాలని బీజేపీ ఎంపీ రఘునందన్ రావు హైకోర్టు చీఫ్ జస్టిస్‌కు లేఖ అందించారు. కేసీఆర్ కుటుంబంపై రూ.లక్ష కోట్ల అవినీతి ఆరోపణలు.. సీఎం రేవంత్ రెడ్డిపై రూ.50 వేల కోట్ల సంపాదనకు సంబంధించిన ఆరోపణలను లేఖలో ప్రస్తావించారు. ఎన్నికల అఫిడవిట్లలో ప్రకటించిన ఆస్తుల కంటే అదనంగా ఏమైనా ఉన్నాయా అనే అంశాన్ని పరిశీలించాలని కోరారు. సుప్రీంకోర్టు చీఫ్ జస్టిస్‌కు కూడా ఫిర్యాదు పంపనున్నట్లు తెలిపారు.