కమ్మరోళ్ళ గంగగా శర్వానంద్ విశ్వరూపం.. ఒళ్లు గగుర్పొడిచేలా ‘భోగి’ టీజర్

హీరో శర్వానంద్, దర్శకుడు సంపత్ నంది కాంబినేషన్‌లో తెరకెక్కుతున్న భారీ పీరియడ్ యాక్షన్ చిత్రం ‘భోగి’ టీజర్ విడుదలై సంచలనం సృష్టిస్తోంది. 1960ల నాటి తెలంగాణ సరిహద్దు నేపథ్యంతో రూపొందిన ఈ టీజర్‌లో శర్వానంద్ ‘గొబ్బులగుట్ట గంగ’గా మునుపెన్నడూ చూడని అత్యంత భీకరమైన మాస్ అవతారంలో కనిపించారు. ఒంటినిండా రక్తపు చారికలు, పదునైన ఆయుధం, పక్కా తెలంగాణ యాసతో శర్వా పలికిన సంభాషణలు గూస్‌బంప్స్ తెప్పిస్తున్నాయి. ఈ చిత్రాన్ని నవంబర్ 12న థియేటర్లలో విడుదల చేయనున్నట్లు మేకర్స్ ప్రకటించారు.