ఒక్క డైలాగ్‌తో ట్రోలర్స్‌ని ‘తొక్కేసిన’ చిరంజీవి.. నెగెటివ్ ప్రచారంపై మెగాస్టార్ సెటైరికల్ పంచ్

సందీప్ కిషన్ నటించిన ‘సిగ్మా’ ప్రీ-రిలీజ్ వేడుకలో మెగాస్టార్ చిరంజీవి తనదైన శైలిలో సెటైర్లు వేస్తూ ట్రోలర్లకు గట్టి కౌంటర్ ఇచ్చారు. హీరోయిన్ ఫరియా అబ్దుల్లా గురించి సరదాగా మాట్లాడుతూ… “విశ్వంభర సినిమాలో నువ్వు నా పక్కన నటించకపోవడానికి హైట్ కారణం కాదు. నన్ను అవాయిడ్ చేశావా? నన్నేమైనా తొక్కేయాలని చూస్తున్నావా ఏంటి?” అంటూ వ్యాఖ్యానించడంతో సభలో నవ్వులు పూశాయి. కొద్ది రోజులుగా సోషల్ మీడియాలో ‘బాస్ తొక్కేశాడు’ అంటూ తనపై జరుగుతున్న నెగెటివ్ క్యాంపెయిన్‌ను చిరంజీవి చాలా నిశితంగా గమనిస్తున్నారని ఈ పంచ్‌తో తేలిపోయింది.