ఈవీవీ మార్క్ రియలిస్టిక్ బోల్డ్ డ్రామా.. : ‘ఆరుగురు పతివ్రతలు’ రీ రిలీజ్ డేట్ ఫిక్స్

దివంగత దర్శకుడు ఇ.వి.వి. సత్యనారాయణ స్వీయ దర్శకత్వంలో తెరకెక్కిన సంచలన చిత్రం ‘ఆరుగురు పతివ్రతలు’ మళ్లీ థియేటర్లలోకి రానుంది. 2004లో విడుదలై దాంపత్య జీవితాల్లోని సమస్యలు, వివాహ వ్యవస్థలోని భిన్న కోణాలను ఎంతో బోల్డ్‌‌గా, వినోదభరితంగా ఆవిష్కరించిన ఈ చిత్రాన్ని అక్టోబర్ 29న రీ-రిలీజ్ చేయనున్నట్లు చిత్ర బృందం అధికారికంగా ప్రకటించింది. దాదాపు 42 మంది కొత్త నటీనటులతో పాటు ఎల్.బి. శ్రీరామ్, చలపతిరావు వంటి ప్రముఖులు నటించిన ఈ చిత్రం అప్పట్లో బాక్సాఫీస్ వద్ద ఘన విజయాన్ని సాధించింది. ప్రస్తుత తరానికి కూడా కనెక్ట్ అయ్యే కథ కావడంతో ఈ రీ-రిలీజ్‌పై ప్రేక్షకుల్లో మంచి ఆసక్తి నెలకొంది.