భారతీయ సాంప్రదాయ ఆయుర్వేదంలో అద్భుతమైన ఔషధ గుణాలు కలిగిన ఉసిరికాయ ప్రాముఖ్యతను ప్రధాని నరేంద్ర మోదీ (PM Narendra Modi) తమ మన్‌ కీ బాత్‌ ప్రసంగంలో ప్రత్యేకంగా గుర్తు చేశారు. తరతరాలుగా మన ఆహార సంస్కృతిలో భాగమైన ఈ సూపర్‌ ఫుడ్‌ కేవలం శారీరక ఆరోగ్యానికే కాకుండా స్థానిక గ్రామీణ ఆర్థిక వ్యవస్థకు, మహిళా సాధికారతకు ఏ విధంగా బలాన్ని ఇస్తుందో వివరించారు. ముఖ్యంగా వోకల్‌ ఫర్‌ లోకల్‌ వంటి కార్యక్రమాల ద్వారా ఉసిరి సాగు, ఉత్పత్తి రంగాల్లో విప్లవాత్మక మార్పులు వచ్చాయని ప్రధాన నరేంద్ర మోదీ కొనియాడారు.
విటమిన్‌-సీ, శక్తివంతమైన యాంటీఆక్సిడెంట్లు పుష్కలంగా ఉండే ఉసిరికాయ రోగనిరోధక శక్తిని పెంచడంలోనూ కీలకపాత్ర పోషిస్తోంది. ఉసిరి జ్యూస్‌, ఊరగాయలు, క్యాండీలు, పౌడర్‌ రూపంలో దీనికి క్రమంగా ప్రజాదరణ పెరుగుతున్న దృష్ట్యా మన స్థానిక ఉత్పత్తులను మరింత ప్రోత్సహించాల్సిన అవసరం ఉందనే సందేశాన్ని ప్రజానికానికి అందించారు. ఈ నేపథ్యంలో ఉసిరికాయ వల్ల ఆరోగ్య ప్రయోజనాలు ఏంటో ఈ స్టోరీలో వివరంగా తెలుసుకుందాం..
